Breaking News- Hpakant Jade mino KIA ralkap ah a lut mi cazing langter a si. An tam bak ko

Min Aung Hlaing thil tuah ning an celh ti lo si lai, Mino tampi cu KIA ralkap ah an lut tiah thei a si. Hpakant Jade mino 2000 leng cu KIA ralkap ah an lut tiah thei a si

Kachin State, Hpakant in mino 2000 leng cu tu ni ah KIA ralkap ah an lut tiah thei a si. Hpakant lei ah kawl ralkap a um mi hna caah  cun tih nung ngai a si.

KIA nih kawl ralkap hna cu tuk thluamah tawn hna caah Kawl ralkap zong nih KIA ralkap hna hi an ti ngai  hna. Hpakant ram chungah kawl ralkap um mi hna hi KIA nih an duh duh in an va tuk tawn hna i, camp tampi an lak piak tawn hna, Cu caah KIA ralkap tuknak ding caah kawl ralkap nih vanlawng zong a hmang pa tawn

Kachin Independence Army (KIA) hi minung 35000 hrawng an si lai tiah zum a si. Kachin State ah raltuknak fakpi a chuak i, natein mipi nih KIA hna hi an dirkam peng hna i, an herh ning tein an bawmh tawn hna. Atu hi kawl ralkap le KIA ralkap an i tuk peng, mipi a zam mi zawng an tam ngai. Credit-RTK

Matupi ah a Tlau Tiah an Ruahmi UPC Pastor Fapa Ralkap nih an Rak Tlaih. Matupi ah nizan thawk in inn hlam loin a ummi Rev. Wai Hteik fapa Salai Timothy (kum 18) cu ralkap nih an rak tlaihmi thawngpang a chungkhar nih tu zanlei ah an theih.

Salai Timothy hi April 7 ah a hawile he khuachung runvennak an tuah i cu lio ah cun ralkap nih an rak tlaih hna. Rev. Wai Hteik nih, “An tlaihmi thawngpang zong ralkap lei nih a kan thanh lo.

A theitu khuami pawl nih nihin ah a kan thanh hnu ceo in kan theih. Zei bantuk case in sual an phawt hna ti zong kan thei rih lo,” tiah The Chin Journal ah a chim.

Salai Timothy hi Pagoku University ah kum khatnak a kai liomi mino a si. Nizan ah Salai Timothy telh in minung 5 ralkap nih an tlaih hna i, atu tiang ah Matupi ah mino 10 an tlaih cang hna.
The chin Journal

Be the first to comment on "Breaking News- Hpakant Jade mino KIA ralkap ah a lut mi cazing langter a si. An tam bak ko"

Leave a comment

Your email address will not be published.


*