Breaking News – Joe Biden nih kawl ralkap cungah tuah a tim mi a phuan cang. China a thlak lai maw ti zoh a si cang

Kan thei cia bantuk in kawlram cu Ralkap uknak tangah a um cang i, tu zing suimilam 3:30 hrawng ah ralkap nih nawlngeinak cu an bawi Min Aung Hlaing sin ah an ap cang ti an phuan

Mah bantuk in an phuan hnuah vawlei cung ramkip nih kawl ralkap thil tuah ning cu heh tiah an soisel. Vawlei cungah super power ram tiah thei mi US nih Kawlralkap hna cu ralrinnak a pek cawl hna.

White House nih a chim ning a cun, aher ning bantuk in dantatnak tuah a si lai tiah thawngthannak a tuah.

Nawlngeihnak hi mipi kut ah pek than a si hlan poah cu US nih Kawl ralkap cungah a tha a ti ning tein  thil a tuah lai tiah The White House nih a phuan

Suu Kyi le a rian tuanti hawi le hna cu a tu hi ralkap pawl kut ah an um ko. State dang dangah NLD hruaitu hna zong tlaih thluamah an si, State dangah hruaitu an rak tlaih mi hna cu thla than mi zong an um cang

President Joe Biden nih a chim ning a cun, Kawlram Democratic lam a zulh lio mi hna cu ralkap nih zei rel lo in an kut tangah an chia hna.

Kawlram chungah mipi duh thimnak zalawng tein a um khawhnak ding caah a her ning tein rian ka tuan lai. Kawlram mipi hna cu heh tiah kan dirpi hna lai.

Kawlram ah party vialte cu, phunglam ning tein le Democratic ning tein rian tuan ding in sawm nan si tiin sawmnak a tuah chap

Mah bantuk in ralkap pawl nih thil an tuah caah, a rang kho in an nawl ngeinak in mipi kut ah an ap than ding a si.

Mah bantuk in ralkawp nih thil an tuah caah, an thil tuah mi hi an let i, mipi kut ah nawlngeinak an ap than lo a cun, a herh ning tein cawlhcang a si lai. Ralkap nih mipi kut ah nawlngeinak an ap hlan poah cu US nih a fak khawh in dantat an si lai tiah a chim

Mah bantuk a chim mi ruangah, mi tampi nih China nih zeidah a chim ve lai, Kawl ralkap pawl hna a dirpi lai maw tiah bia halnak comment ah a tam ngai. Source-The New York Post

Be the first to comment on "Breaking News – Joe Biden nih kawl ralkap cungah tuah a tim mi a phuan cang. China a thlak lai maw ti zoh a si cang"

Leave a comment

Your email address will not be published.


*