Breaking News- Pennsylvania Court nih Trump request tuah mi cu a cohlan piak cang

Vawlei cung ramkip Media tam deuh nih Joe Biden nih Trump a tei ning lawngte an tial, natein mah Chinpage hi cu, Trump Legal Team pawl nih Election kong an buai pi ning ah zeibantuk dirhmun an phan ti le 2020 Election kongah lih le hlennak a um ning kong lei tu hi kan tial tam/focus deuh mi a si. Nifatin US thawngpang 4/5 na rel  khawh peng nak ding caah Chinpage hi Follow/Like tuah ding in kansawm hna

Wisconsin lei ah thawngtha tuk mi an thei hnuah (Chinpage ah Breaking News ka rak tial cang kha) Pennsylvania ah thawngtha tuk mi a vun chuak than hoi cang. Pennsylvania State ah Trump pawl nih lawsuit an ap mi cohlan piak an si lo hnuah President Donald Trump’s campaign nih Nikhat ni/Monday ah lawsuit an ap than mi ah Court nih a cohlan piak cang

Trump Campaign lawyer Jenna Ellis nih a chim ning a cun, Pennsylvania Court nih Trump Team pawl rianrang ngai in nawlnak/appeal an tuah thang mi a zoh hnu ah U.S. Third Circuit Court cu cohlan ding in nawl a pek caah Trump Team pawl nih appeal an tuah mi cu cohlan piak a si, tiin a chim

Mah bantuk in Court nih a cohlan piak hnuah, an duh mi cu a tawitein tial i, suimilma zan lei 4 p.m ah ap ding a si, Cun a dang cu Nihnih Ni zanlei suimilam 4 p.m. ah ap ding a si lai, Cun ka in bia chim an duh chap a cun chim khawhnak nawl pek than an si

Pennsylvania’s 67 counties ah vote an rel mi hna cu, Election official sin ah an kuat hlan ah Nikhat ni ah certify tuah an ni tim. A luancia zarh a khan Barack Obama nih a rak thim mi, Judge Mathew Brann nih Trump campaign lawsuit an tuah mi cu a rak cohlan piak duh hna lo.

Judge Brann nih a chim ning a cun vote pakhat ti bantuk a dik lo ruangah vote tampi a thlak mi pawl tha piak kha ka tuah kho mi a si lo/“has no authority to take away the right to vote of even a single person, let alone millions of citizens.” tiin Trump Legal Team pawl lawsuit cu a rak phih piak hna

Mah bantuk in Judge Brann nih Trump Legal Team pawl lawsuit a tha piak mi konga ah Trump Team Legal Team Ellis le Attorney Rudy Giulini nih Judge nih mah bantuk in kan lawsuit kan ap mi a kan phih piak mi cu kan caah thil tha a si, a ruang cu US supreme Court ah kan kal kho lai caah tiin an rak chim cang kha

Judge Brann nih Trump Team pawl lawsuit a rak phih piak lio ah khan, Trump nih Judge Brann cu he tiah a soisel i, Judge Brann nih tehte kan ngei mi vialte langter ding in a kan siang lo. Mah hi Senator Part No Tarriff Toomey of Pennsylvania ka hawikom a si lo mi thil tuah mi ruangah a si. Lau ding mi a um lo, Kan nawl than lai tiin a rak tiang cang kha. Credit-Theepochtimes

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Breaking News- Pennsylvania Court nih Trump request tuah mi cu a cohlan piak cang"

Leave a comment

Your email address will not be published.


*