Breaking News-President Trump cu amah pumpak bak in Supreme Court ah a kal ve lai

Vawlei cung ramkip Media tam deuh nih Joe Biden nih Trump a tei ning lawngte an tial, natein mah Chinpage hi cu, Trump Legal Team pawl nih Election kong an buai pi ning ah zeibantuk dirhmun an phan ti le 2020 Election kongah lih le hlennak a um ning kong lei tu hi kan tial tam/focus deuh mi a si. Nifatin US thawngpang 4/5 na rel  khawh peng nak ding caah Chinpage hi Follow/Like tuah ding in kan sawmh hna

Tu lio thawngpang cu a linsa bak. President Trump cu a mah Legal Team Pawl lawng rian ttuanter a tim ti lo, amah pumpak bak in a legal Team pawl he court ah an kal lai tiah report nih a langter

Wednesday, Gettysburg Election Fraud hearing tuahnak ah President Trump nih Rudy Giuliani a zulh lai tiin CNN nih a chim/ttial. Mah events nak ding caah hotel zong tim cia tein hlan/book asi cang, Trump cu Election hnu in  Washington DC area hi a chuah tak bal lo. A to hi a voihkhatnak ding a si lai

Gettysburg battlefield hi Civil War lio ah i tuknak a tam biknak kha a si. Mah hmun ah hin President Abraham Lincoln nih historic Gettysburg Address-U.S. Declaration of Independence a rak ngei cang kha.

Trump campaign & Pennsylvania Senate Republicans pawl nih mah events ah hin Election fraud etc kong chimnak caan an hmang lai. Trump campaign pawl nih Arizona le Michigan ah hearing 2 ngei ve lai ti an phuan.

Tuesday events ah hin President Trump nih bia a chim lai maw ti a fiang lo, 2020 election fraud a um hrim hrim ti affidavits an ngeinak witness/tehte pawl hna zong an nih lang lai. Trump campaign senior legal adviser Jenna Ellis nih voters fraud a um ti prove nak an langter lai ti a chim. Source-CNN &TRK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Breaking News-President Trump cu amah pumpak bak in Supreme Court ah a kal ve lai"

Leave a comment

Your email address will not be published.


*