Breaking News: Ralhrang Hna Cu an Hran a Zual Chin Lengmang Ko Cang Hi CHRO Hakha zung Zong an Luh Hnawh Hna

TCP Hakha| 2021 April 25 — Nihin chun April 25 ah Hakha Palek bo 3 telh in palek pali nih Chin Human Rights Organization (CHRO) zung an kal hnawh tiah kan theih.

Hi kong he pehtlai in, CHRO Hakha zung hmai ah zung kan khar hlan in, Palek le hlathlaitu an umnak cu a sau cang. Mingiatu le palek tbk. an umnak caan cu a sau cang. March 19 hnu in, Zung kan khar hlan in khan a si cang tiah riantuantu pakhat minlanghter awk tha lomi nih The Chinland Post ah a chim.

“Zung cu an khar nak a sau cang. Riantuantu zong kan hmu bal ti hna lo. Milengkai phun zong an um tilo nak a sau cang. March thla dongh khan a si lai dah, zung an kai ti lo. Nain, nihin chun Zung an hun rat hnawh ko. Innpa cheukhat bia an hal hna…” tiah CHRO zung pawng inn ngeitu pakhat nih The Chinland Post ah a chim.

“Zei ruang set ah dah CHRO zung an kal hnawh mi cu hngalh a si lo. Nain, riantuantu pakhat sin in, CHRO Hakha zung lawng silo in, a dangdang kan zung tete zong an luh hnawh mi a um cang. Tlaihkhih mi zong an um…” tiah a chim.

CHRO zung an kal hnawh lio ah, lam a chawklet mi pakhat nih zeidah an tuah set cu ka hngal lo. Nain, ka theih mi cu Palek pali an si. Palek bo 3 pakhat a tel cu ka kal pah ah ka hei hmuh khawh mi a si tiah a chim.

Chin ramkulh le hmun dang vialte ah CHRO nih zung an on mi vialte cu March 19 hnu in khar chung a si cang tiah kan theih.Credit-TCP

Be the first to comment on "Breaking News: Ralhrang Hna Cu an Hran a Zual Chin Lengmang Ko Cang Hi CHRO Hakha zung Zong an Luh Hnawh Hna"

Leave a comment

Your email address will not be published.


*