Breaking News – RFA nih Ko Win Zaw le Zaw Lin thawngpang tha tuk mi a phuan cang

Thailand ram ah British nuva thattu tiah an tlaih mi pahnih Ko Win Zaw Tun le Ko Zaw Lin hna kongah thawngtha ngai mi thei ding a um than cang

RFA nih a chim ning a cun, A luancia Zarh December Ni 5 kha Thailand siangpahrang fa (Generation 9 nak), Atu Thailand siangpahrang Chuahni/ Birthday a si i, Tawnginn ah um mi minung 30000 hna cu thawnginn in a chuah hna.

Case ngantuk mi a ngei mi minung 3 hna le minung 20000 hna cu ngaithiam an si ve tiah RFA nih a phuan. Cun mithat, thlaihhram a hmang mi, case a ngei mi hna cu thawnginn chungah an umnak caan thumpiak an si ve tiin a phuan

Ko Win Zaw Tun le Ko Zaw Lin hna hi thidang pek an si. Natein August thla ni 12, Atu Thailand siangpahrang anu chuahni sunglawi a si caah an pahninh in tha si seh tiah an rak ti cang mi cu an dam chung thawnginn ah chia si seh tiah ngaithiam an rak si cang kha

Cu hnuah aluancia December ni 5 kha atu an siangpahrang chuahni sunglawi a si caah an dam chung in thawngiin thlak ding si seh tiah an kong ceipiak cang mi cu kum 50 thawngiin ah um ding in ngaithiam than an si

An pahnih thawngpang hi thei ding a vun chuak pa lengmang tawn, Thailand cozah nih thidang a rak pek cang mi an si, mah bantuk in thawngtha hi an caah a sunglawi tuk mi a si

Thailand ram ah thawnginn ah a um mi hna hi kumkhat a voihhnih ngaithiam lengmang an si tawn. Mah bantuk in thil a kal lengmang a cun kum 10 thawnginn ah thlak si seh tiah ngaithiam an si ah cun Myanmar cozah le Thailand cozah cu an nih chawn kho cang lai i an pahnih caah ruachannak tampi a um lai tiin source nih a chim

Bangkok ah Myanmar Ukul a um mi nh a chim ning a cun, Win le zaw hi thla 2 voihkhat, thla 3 voihkhat ti bantuk in kan va tlawn tawn hna i, an ei duh mi thil kan va pe tawn hna.

Natein tu kum cu election le Covid ruangah kan va tlawn khaw hna lo tiin Bangkok ah Myanmar Ukil U Aung Myo Thant nih a chim. Bangkok ambassy riantuantu pawl he thawnginn ah va kal in ei le ding va pe pa in hnangamnak bia va chim kan nih tim lio a si tiin a chim. Source-RFA

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Breaking News – RFA nih Ko Win Zaw le Zaw Lin thawngpang tha tuk mi a phuan cang"

Leave a comment

Your email address will not be published.


*