Breaking News- US nih Suu Kyi chawn a tim mi cu kawl ralkap nih lehnak an tuah cang

Tu lio thawngpang a lar bik mi cu Kawlram chungah ralkap pawl nih aa na hmangin nawlngeinak an lak mi hi a si.

Mah kongah US le ramdang le a hlei in EU zong nih kawl ralkap hna cu Aung San Suu Kyi le midang an tlaih mi hna cu chuah ding in a ti hna

Natein kawl ralkap nih a duh lo. Thawngpang thei a nuam lo chin lengmang. Tamadaw nih Mipi lamzawhtu hna cu ralrinnak a pek cang hna

Tu ni ah ti, mi kahnak caah an ser mi (Water Cannon) hmangin mipi lamzawhtu hna cu heh tiah a kah hna caah mi tampi damlo in an um i,

mi tampi mit lei ah buainak an tawn thluamah cang. Mah  lawng si lo in, mipi caah tih nung ngai mi Chemical laced an ti mi zong a hmang cang.

US nih Daw Aung Sang Suu Kyi cu chawn an duh, Natein ralkal nih chawn a sian lo tiin AFP nih thawngthanhnak a tuah

AFP nih a tial ning a cun, US nih Daw Aung Sang Suu Kyi chawn ding in Myanmar cozah sin ah halnak a tuah mi cu ralkap nih an cohlan piak lo tiin a tial

Cun US ministry of Foreign Affairs nih a chim than ning a cun, Kawl ralkap nih mipi lamzawhtu hna cu ralrinnak a pek cang hna. Mipi hna cu dirhmun tha lo an an um cang tiin a chim. Source-AFP

Be the first to comment on "Breaking News- US nih Suu Kyi chawn a tim mi cu kawl ralkap nih lehnak an tuah cang"

Leave a comment

Your email address will not be published.


*