Britian lei in Coronavirus sii kongah thawngpang tha tuk mi pakhat. Pathian nih thluachuah hram ko seh

Coronavirus ruangah vawlei cung ramkip a buining le minung a thimi an tam ning cu chim cawlh lo si cang. Tu lio ah vawlei cung ramkip nih an her bik mi pakhat cu mah coronavirus sii hi a si. Atu tiang mah sii hi an ser khawh lo caah mi tampi cu inn chungah i erh in caan kan hmang. Mi cheukhat caah cun lungzawtnak le damlo nak fakpi a chuahpi cang.

The University of Oxford’ nih coronavirus sii test an tuah ning kong cu vawlei cung thei ding in an phuan cang. Mah sii an ser mi “Six rhesus macaques antibodies” nih cun 28 hnu ah rian a ttuan ning a vun lang. Mah sii hi Zawng ah test an tuah hmasa. Mah test an tuah mi hi a hlawhtling ngai. Mah Britain cozah le Oxford University t i bawmh in sii an ser mi nih hin ruachannak tampi a um.

Sii an ser mi poah hi minung caah thatlonak a um sual maw? minung cungah hmang ding in a tlak maw? Minung a hrawh sual lai maw ti zohfelnak ding caah saram cungah test an tuah hmasak tawn. Saram cungah test an tuah hnuah a that ah cun minung cung ah zohfelnak an tuah tthan. Minung cungah test tuah ding in mi nih keimah cungah tuah u, Ka cungah zeibantuk thil a tlung zawngah/thi zong ah pawi lo titu (Volunteer) an um a hau.

Mah volunteer pawl cungah test an tuah. Minung cungah sii nih rian a ttuan i, minung a hrawh lo ah cun, mah si cu mi vialte hmang khawhnak ding caah pawm a si tawn. Mah minung cungah trial an tuah mi hi caan saupi a duh. Minung pakhat lawng cungah trail hi tuah ding  si lo in minung 100, 500 leng zong khi a her tawn caah mipi hmang khawh ding in  caan saupi a rau tawn nak hi si. Source- Timesofindia (May 15, 2020, 17:47 IST)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor