Chin Baptist Union (CBU) nih 2020 March thla ah Falam Bible ca uk 50000 cu man lo tein mipi sin ah phawtzamhnak a tuah lai

Chin Baptist Union (CBU) nih 2020 March thla ah Falam Bible ca uk 50000 cu man lo tein mipi sin ah phawtzamhnak a tuah lai tiah kan theih. “Atu Bible uk 50000 phawtzamh kan timh mi hi amah Bible lawng si loin Khrihfa hlabu zong aa tel chih. Khrihfa hlabu he uk khat ah fonh in chuah mi a si. Aliamcia kum 2018 lio ahkhan uk 30000 kan rak pek cang hna. Kum 2020 tu ahhin uk 50000 bawmh ding a si i, March thla ah kan sin a phan lai. March 26 ni ahkhin Falam Baptist Biakinn pi ah Pathian sin pekchanhnak le zapi sin phawtzamhnak kan tuah hmasa lai i, March 28 ah Kalay El-Bethel biakinn ah phawtzamhnak kan tuah ve lai,” tiah Rev. Biak Run Thang nih The Hakha Post ah a chim.

Hi Bible phawtzamhnak ding ca ah ramdang lei in tawlrelpiaktu le bawmchantu hi Mr. Mark a si i,         Myanmar ram lei a phak khawh nakding ca ah Rev. Ral Lian Uk a si. Cun, CBU hi Kalay myo Taung-Phi-La ah zung a um.- Hakha Post

Be the first to comment on "Chin Baptist Union (CBU) nih 2020 March thla ah Falam Bible ca uk 50000 cu man lo tein mipi sin ah phawtzamhnak a tuah lai"

Leave a comment

Your email address will not be published.


*