Chin mipi kan lau; Chinpa, fa ei (a nupi le fa) pa le nu tlaihhrem tawntu an tlaihnak kong

A poi tak tak, minung kan lungput ngai hi, midang caah thluachuah si ding mi, midang caah buainak le midang caah harnak thil tuah tawn mi kan si hi cu a poi tuk mi a si

Sagaing Region, Kalay Township, Tahan khua pawngah um, Hmunlai khua ah fa ei, unau kum 9 mi (pa le nu) hna cu a luangcia zar ah khan an pa pahnih in kum 2019 thawk in a rak tlaihrem tawn hna tiah thei a si.

Pu Lalhmuliana (32) nih a fa ei le hna (Pa le nu) cu kum 2019 thawk in an nu um lo karlakah a rak tlaihhrem tawn hna. Kum 2020 July lawng in mah kong hi thei a si tiah nu pawl Dingding -ah Pi. Malsawmi nih a chim

Mah bantuk thil a rak cang tawnnak hi a sau pa cang. Hngakchia nih hin mah bantuk in Pu. Lalhmuliana nih an cungah thil a rak tuah thawknak an chim kho ti lo. An nu cu puan thit in mi dang inn ah rian a rak ttuan tawn mi a si.

An unau in an nih vel i, mah bantuk in an nih velh lio ah hin,  an pahnih in kapa nih an tlaihhrem tawn, nangmah zong na si ve ko tiah an pahnih nih an chimnak thawngin, an pu nih a rak thei mi a si

July ni 14 ah palik sin ah report tuah a si. Mah kong hi an pa nih a thei cangka in, Tamu township Khampat lei ah a tlih. Palik nih July ni 15 a tlihnak ah tlaih a si. Credit- Tahan News

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Chin mipi kan lau; Chinpa, fa ei (a nupi le fa) pa le nu tlaihhrem tawntu an tlaihnak kong"

Leave a comment

Your email address will not be published.


*