Chin mipi nih mangah kan mang bal lo mi cu USA ah tuah a si cang lai

Zei poah hi Pathian ruangah a si, Chinmi hna hi Pathian nih a rian ttuan ding in le a ram kauter ding in a thim mi kan si ning a lan gthluamah cang, mah bantuk caan ttha hi chinmi caah cun sunglawi tuk mi thil a si

“2020/2021 kum cu the City of Lewisville Art Advisory Committee nih Lewisville, TX um Chin miphun pawl nunphung le zatlang he pehtlai in biapi ah chiah in sunhlawi ter an timh.

Hi bantuk tuah khawhnak ding caah Chin artist pawl hlan in lung in tuah mi zuk ser zong phun khat asi lai tiah theih asi.

Cu ser hnga mi zuk cu Lewisville Central Park ah chiah i Chin miphun pawl sining langhter asi lai. Cu caah Chin artist lak ah hibantuk ṭuan pi kho tu nan theih mi aum ah cun ruahnak pek ding in bawmh kan in hal hna. Lewisville hrawng khuasa theng mi asi a herh lem lo.

Hi kong he pehtlai in hnabeisei mi na um asi le kboring@cityflewisville.com ah pehtlai kho kan si i zei bantuk dah a rem hnga ti zong ruahchan kho asi hnga. A herh asi cun Chin holh let tu zong tawlrel piak asi”. Credit- CCNC

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Chin mipi nih mangah kan mang bal lo mi cu USA ah tuah a si cang lai"

Leave a comment

Your email address will not be published.


*