Chin Ramkulh Chung In Leitang Bomb Ruangah India Ram Sii-Inn Ah Thlop Mi 100 Leng An Si Cang

Chin Ramkulh Chung In Leitang Bomb Ruangah India Ram Sii-Inn Ah Thlop Mi 100 Leng An Si Cang.Chin ramkulh chungah, leitang bomb phummi i lamh sual ruangah, India lei ah aa thlopbulmi minung 100 leng an phan tiah theih a si. Chin ram chaklei thlanglei ah bomb in aa hliammi minung an tam i, a tam deuh cu, lo kalnak, dum kalnak le sia an kawlnak ti bantuk ah bomb an i lamh sual caah aa hliammi an tam.

November 29 lio zong ah, Matupi Laungban khua ah, nuva hna dum an kalpah ah bomb an i lamh sual caah, an pa cu a hmun ah a nunnak a liam i a nupi cu Naypyidaw sii-inn ah an kalpi tiah theih a si.#Hmanthlak #November 29 i a nunnak liam mi.

Rechap:Tamu- Kalay Lam An On Țhan Cang, Laitlang Chuak Khazianchinti le Piat(Khachuansen) Man A Kai November thla canceo in Tamu- Kalay lampi cu caan karlak an phih i November 28 ah an van on țhan hnu in Laitlang chuak khazianchinti le piat a man a țha( a man kai)tiah theih asi.

Zarhhnih chung lam an phih caah thil kuat khawh a si lo i a hlan i Khazianchinti cuaikhat 2000mmk in dawr nih kan lak tawn mi kha atu cu 2500mmk, Piat cuaikhat 3000mmk kha 3500mmk in kan lak”tiah dawr ngeitu pakhat nih a chim.
October thla lio ahkhan Laitlang chuak khazianchinti le Piat hi cuaikhat 6000mmk an rak phan.