Chin ramkulh Cozah nih chin ram chungah Covid-19 i vennak caah pengkua chungah tangka a bawmh mi hna cu a tlawmtuk tiin fakpi in soisel a si cang.

Atangah ttial mi hi chin ramkulh cozah nih a chim mi a si. Mah hi Hakha post ah fiangtein rel khawh a si. Mah bawmhnak kongah hin mi tampi nih Chin ramkulh cozah a thil tuah ning cu fakpi in soisel a si. Mah bantuk tangka hi a tlawm tuk. Myanmar ram hi zoh ah cun case a tam chin lengmang cang i, mah bantuk in a si ah cun Kawlram hi lockdown thlakhat chung tal cu tuah a her te lai.

Thlakhat chungah i zohkhennak caah mah bantuk tangka pengkua chungah sing 20 cio a pek mi hi zeihman a si lai lo, a tlawmtuk lai, mah bantuk in a si ah cun mi sifak rawl loin um mi tampi kan um cang lai tiah an chim thluamah cang. Chim ramnak in a rum deuh mi Mizoram zong zoh ah cun Chief Minister le mister le cozah rian ttuan mi tampi nih an lakha thlakhat le a cheu ni lakha ni 7 tiang an pek hna.

Mah lawng si loin mirum hna nih mi sifak hna cu fakpi in an bawmh thluamah hna. Mah long hi si loin MP Rajyasabha le Lok sabha nih India tangka in ting 100 leng an bawmh hna. Mah bantuk in a si lio ah Chin cozah nih pengkua chungah sing 20 cio a bawmh mi hi cu a si kho lo tuk mi a si tiin Pu. Ramthang Zathang nih a lungtlinlonak fakpi in a chim

Ramkulh Cozah nih Chinram chung COVID-19 i runvennak ca ah peng kua chung sing 20 cio bawmnak pek timh .hin Ramkulh Cozah nih Chinram peng kua chung COVID-19 i runvennak ca ah tiin Myanmar tangka sing 20 bawmhnak a pek lai tiah Minister Pu Pau Lun Min Thang sin kan theih. “Chin Ramkulh i peng kua chung ah COVID-19 i runvennak ca ah tiin Ramkulh Cozah nih sing 20 cio pek ding in biachah nak kan ngei. Hi tangka hi Peng kip i cozah he pehtlai in runvennak committee a dir mi sin ah kan pek hna lai.

 

Cun, hi tangka hi Ramkomh cozah nih COVID-19 ca ah 1Billion Budget an kan pek mi chung si loin kanmah Chin Ramkulh cozah tangka sing 1000 chung in kan pek mi hna a si,” tiah The Hakha Post ah a chim. COVID-19 in kan i runven, kan i khamh khawh nakhnga ca ah tiin a peng in siseh, a khua in siseh, zatlang bu in siseh, mino lei in siseh Committee dir cio a si. 2020 April 1 tiang ah COVID-19 in Myanmar ram chung ah a thi mi minung 1, zawtnak hrik a ngei mi minung 15 an si cang tiah kan theih.

Cun, Ramkulh Ngandamnak Zung Lutlai Dr. Aung Ngwe San nih “Committee hi Cozah lei lawng si loin khuachung mino siseh, zatlang bu in siseh dir kho ulaw ti ka duh. A ruang cu kanmah Cozah lei nih cun khuachung ahhin kan i choklet tuk kho lo i, thil sining hi kan thei thlu kho lo. Committee nan dir tik zong ah Cozah he pehtlaihnak hi tuah kho zungzal uhlaw a tha. Kan i bawm cio hna lai, kan tuanti hna lai,” tiah a chimchap.