China a sualtuk cang caah UK nih ceilak in a phomh tthan hoi cang

Tu lio thawngpang cu dantat, phuhlam, i soisel, idoh, i thangchiat lawngte si ko, kan vawlei thawngpang hi a chia chin lengmang cang ko. Pathian bia a tling thluamah tinak si ko

United Kingdom nih Hong Kong kum 99 leng a uk cang mi, China nih a duh ning bantuk in Security law hmangah a tangah  chia a tim mi cu zoh sawh sawh a tim hrim lo.

PM Boris Johnson nih a chim ning ah cun China nih Hong Kong Security Law, a pass hnuah mipi caah harnak le buainak an serh tak tak ah cun, Hong Kong mipi nih an thazang in doh khawhlo in um hman sehlaw, Hong Kong mipi an duh ah cun UK ah pemkhawhnak lam serpiak an si lai tiah a chim

  British Prime Minister Boris Johnson nih mah bantuk in bia a chim mi hi, the South China Morning Post in Oped, Wednesday ah a vun hmang i, PM Johnson nih a chim mi bia “Hong Kong’s Basic Law ,1997 ah Joint Declaration Britain & China nih an rak ttial cang mi ‘one country, two systems’,hlawnpiak an si i, zalawngtein an um khohlo zongah Hong Kong mipi caah kan biakam ning bantuk in rian kan ttuan lai tiah a chim”.

Hong Kong sin in British National Overseas passport holders, 350,000 an  um lio a si, UK nih Immigration law an thleng ah cun 2.5 million hrawng nih passport an ngah kho lai tiah PM JOHNSON nih a chim. Source- The Sourth China Morning Post

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China a sualtuk cang caah UK nih ceilak in a phomh tthan hoi cang"

Leave a comment

Your email address will not be published.


*