China a surrender nak kongah Trump a holh ve cang; Trump biachim cu tih nung bak ko

Trump cu a voihnihnak ding caah President caah thim tthan a si lai ti cu vawlei cung ram hruaitu nih an zum ning a si, natein thawngpang thalo tuk mi Coronavirus nih US ram cu ceilak in muinak khuar ah a lut pi.

Coronavirus in USA mipi a thimi an tam tuk caah Democrats pawl nih fakpi in an phomh i, Trump chianak lawngte an kawl. Coronavirus cu a vun daih deu hnuah minak pa pakhat thinak ruangah USA cu khuaci mui bantuk in a mui than.

Mah bantuk in thil a si caah President Trump zong a mualpho ngai i, mah vialte hmangin President Trump cu ceilak in soisel le thangchiat a si. Mah bantuk boruak karlakah China nih South China sea ah buainak fakpi a chuahpi tthan hoi

USA nih China cu fakpi in dantatnak a tuah thluamah, mah hnuah Chinese State Counsellor & foreign minister Wang Yi nih a chim ning ah cun’ China-US Think Tanks & Media Online Forum via videolink kawmnak an tuahnak ah China cu kaupi in USA he bia ruahtinak ngei ding in tim cia in kan um cang tiin a chim.

President Trump Florida fund raising nak ah US nih China cu Phase II Trade deal kongah remnak an tuah pi ti lai lo ti a zum ning  a chim.

Phase II Trade Deal kong a chim lio ah President Trump nih US le China karlakah ah i thei thiam lo nak fakpi a chuak lio a si. A hlan bantuk in hawikawm si tthan bantuk in Dainak ser tthan dirhmun zong khi a si ti lo ttin a cim.

Mah coronavirus hi an duh ah cun China ram chungah an khamh khawh, Ramdang ah kar lo in an duh ah cun an kham khawh mi a si. Natein China ram nih an tuar mi long cu duh lo in ramdang zongah an karter thluamah tiin US le China kong a chia ning cu a chim. Credit- The Guardians

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China a surrender nak kongah Trump a holh ve cang; Trump biachim cu tih nung bak ko"

Leave a comment

Your email address will not be published.


*