China cu a sual tak tak ko!! Australia cu America uico (Dog of America) na si tiin a cungah dantatnak fakpi a tuah tthan hoi. USA a vun dirpi cawlh

A buai chin lengmang cang, USA nih zeitin China cungah a tuah ve te lai tiah vawlei cung ramkip nih an zoh cang. China nih Australia cu ceilak in a phomh i a soisel tthan hoi. “America uico” ti bak in a phom cang. China nih Australia hmuhsit ding le zei a rel lo ning hi cu a faktuk cang. Australia nih Coronavirus international inquiry a duh ruangah Australia nih China sin in harnak tampi a hmuh thluamah cang. A hmasabik ah Cawsak (Beef) Company 4 cu China ram chungah thil kuat kho lo ding in a phih piak hna

Cun Barley ah 80% an cawiter tthan hoi. China nih Brazil he pehtlaihnak kan tuah ko lai tiah an chim. Mah hnuah China nih Australia industries dantatnak a tuah ding mi pawl a vun langter tthan

Bloomberg Article nih a langter ning ah cun China nih a next target ding mi a vun lang ter. Australia Wine, Dairy, Seafood, Oatmeal le fruit exporters cungah dantatnak an ttuah than lai. Kum fatin Australia nih China sin ah thil a kuat man a hmuh mi zat cu “$1billion worth of dairy, $1.3billion of wine & $658million of seafood” mah bantuk in China nih Australia cungah dantatnak a tuah ah cun Australia economy nih fakpi in buainak a tawn te lai

Chinese newspaper the Global Times, communist government mouthpiece nih Australia “a giant kangaroo that serves as a dog of the US’. tiin fakpi in aphomh. Mah bantuk in China nih Australia cungah dantatnak a tuah ruangah US Senator Kimberley Kitching, chairman of the Foreign Affairs, Defence and Trade References Committee nih “Australia hi lungfak in um duh hla seh, kangaroo pawl cu an pasal, Duh poah in tuah sawhsawh khoh mi an si lo. Cun rian fakpi in an ttuan, hnunglei an an nih mer bal lo. zalawng tein um an duh” tiin Australia cu fakpi in thazang a pek

Australia’s export markets in 2019. 1. China: $135 billion (33% of total Australian exports) 2. Japan: $36 billion (9%) 3. South Korea: $21 billion (5%) 4. United Kingdom: $16 billion (3.8%) 5. United States: $15 billion (3.7%). Source-Globaltimes

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor