China cu ceilak in mual apho tthan hoi; Kawl ralkap nak in a sual deuh ko hi

China nih vawlei cung uk a tim ning secretary Mike Pompeo nih fiangtein a chim cang kha, mah page ah zong fiangtein kan ttial cang. China nih vawlei cungah ram thawngbik si a tim ning vialte cu ka kut ka mit tiah kan thei bantuk in thei a si cang.

Vawlei cung ah ram thawngbik si a timtuk ruangah tu cu China he hoikam si hi cu an duh ti lo i, China thil sermi poah cu cawk lo ding in lam an kawl thluamah lio si cang

Social Media lei ah keimah ka si a timi nih an hmang bik mi Twitter nih cun account dik le dik lo a zoh felnak ah thil mak ngai mi an hmuh. Twitter nih a langter ning ah cun a luangcia zar ah khan China Propaganda hmangnak a hlei in Hong Kong National Security law an ser hlan ah China nih Twitter account  tampi a ser tiah thei a si

Twitter micro-blogging platform nih a langter ning ah cun China nih hin Hong Kong politics ah thawngpang dik lo mi (disinformation) a tam ngai. Twitter 23,750 accounts hrawng hi Hong Kong politics soiselnak caah hmang a si, 150,000 accounts core network caah an hmang. Cun account, 23000 cu midang soiselnak caah an hmang tiah thei a si.

Twitter le researchers nih an chim ning ah cun mah zat Communist Party (China) nih, geopolitical narratives favourable/ mipi nih an duh mi langternak caah an hmang mi cu Hong Kong le Taiwan mipi nih thil dik le hman an chim i an langter khawh lonak ding caah tiah exiled Chinese billionaire Guo Wengui nih a chim

Twitter nih a chim ning ah cun mah bantuk in China nih twitter hmang ah thil tuah a tim mi cu a tlamtling lo tiah a chim. Renee DiResta, Stanford Internet Observatory (SIO), nih a chim ning ah cun ” January thla dawng lei le March thla dawng lei ah China nih coronavirus a doh ning thangthatnak cu a tam ngai tiah a chim, Mah hi ramdang nih an thangthat si lo in an mah China mi lilah, Twitter ah account a sermi pawl nih, China mualpho an tih tuk caah an tuah mi a si. Credit- CNN. BBC

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China cu ceilak in mual apho tthan hoi; Kawl ralkap nak in a sual deuh ko hi"

Leave a comment

Your email address will not be published.


*