China duh lo bik le tih bik mi US nih a tuah tthan hoi cang; An buai chin lengmang cang ko hi

Coronavirus, South China Sea, Hong Kong International Security law le Ladakh buainak ruangah ram tampi nih China an kaltak, phomh thluamah lio ah US nih China caah tih nung tuk mi a tuah tthan hoi cang

Ka chim cia bantuk in mah Chinpage ah hin ni fatin US thawngpang 4/5 ka ttial lengmang caah, US thawngpang rel na duh ah cun Chinpage hi like/follow vun tuah law, ni khat ah US thawngpang 4/5 na rek khawh peng lai tinak a si

Kum  1992 ah President George HW Bush nih Taiwan sin ah F-16s , 150 leng zuar a rak duh cang. US China tension buanak cu a linsa chin lengmang i, China nih Hong Kong cungah a tuah bantuk in Taiwan cungah tuah a tim.

Natien Taiwan nih a duh lo caah US nih Taiwan cu fakpi in a dirpi i peng ti langternak ding caah US Lockheed Martin Corp  F-16, 66 jets model tha tuk mi cawknak ding caah Agreements a tuah pi cang

Ninga/Friday ah Pentagon nih Taiwan sin ah mah bantuk ral tuknak ding caah thatuk mi vanlawng cu Taiwan sin ah an zuar lai ti theiternak an tuah.

US nih Taiwan sin ah F-16 jets tampi zuar a si lai ti cu Congress sin ah theiternak a tuah cang. Mah bantuk thawngpang China nih a vun thei cu, a celh bak lo i, fakpi in a zai i, US nih mah bantuk in Taiwan sin ah vanlawng tha tuk mi a zuar mi cu a cohlan piak lo ti a vun chim

Pentagon bia chimtu nih a phuan ning ah cun US nih Taiwan sin ah 2026 ah F-16 hi pek dih an si lai tiah a chim. Lockheed martin nih hin F-16, 400 leng zuar ding in timtuahnak an ngei . Kum 2019 August ah Congress nih Taiwan sin ah F-16 an zuar lai ti an chim lio ah,

China’s Foreign Ministry spokeswoman Hua Chunying “US nih Taiwan sin ah mah bantuk vanlawng tha tuk mi zuar a tim mi hi One China Policy zei a rel lo ruangah a si tiin a chim. China  vawi tampi US sin ah raltuknak, vanlawng, hriamnak le thil dang dang cu Taiwan sin ah zuar lo ding in a rak ti peng, natein US nih China bia le hla cu zei ah a rel piak lo caah raltuknak vanlawng tha tuk mi cu Taiwan sin ah zuar a si cang lai. Credit-RTK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China duh lo bik le tih bik mi US nih a tuah tthan hoi cang; An buai chin lengmang cang ko hi"

Leave a comment

Your email address will not be published.


*