CHINA GAS PIPELINE CU HRAWH DINGIN TIMTUAH CUAHMAH A SI CANG

Myanmar ram i China Gas Pipeline cu hrawh dingin timtuah a si, china hi kan nih burmese ca ahcun hnahnawk bik mi pakhat an si.

kachin Independence Army (KIA ) military 4, No 8, No 4 Army Htein Sewing, timi pawl hna cu China gas pipeline umnak hmunah fial an si.

China gas pipeline umnak hmun hma hi dawthletnak tuah lengmang a si i, KIA pawl nih kan hnu deuh khan a hmunhma cu fiangte in anhmuh hnuah tthate in a hmunhma zong theih hngalh a si. Burma ralkap nih a hmunhma vennak security rian a ttuan piak ti theih a si chap rih.

Hi China gas pipeline hmun hma vengtu pawl security rianttuantu pawl hna hi an tam ngai ngai. security rianttuantu Burma ralkap hna nih cun Camp 4 hrawng an ngeih ti KIA pawlnih an hmuh fian cang hna.

China gas pipeline hrawh timtuahnak ah hin Thil sining le umtu ning an theihfian cikcek hnuah a doh dingin Monwi village ttangin ralkap (troops) group 3 hna cu Kachin Freedom Army nih an fial hna, a kalmi milu zat hi 136 hrawng an si tiah theih a si.

KIA, army pawl 136 hna cu group 3 ah an in tthen, KIA No 4 ho hna cu a hmaisatu bik ah an um i, adang Military 4 le No 8 pawl hna nihcun China gas pipeline security rianttuantu pawl Burma ralkap Camp dang cu an kulh ve colh cu hnuah zinglei suimilam 11:50 am hrawngah an kah hna tiah theih a si. sihmanhselaw, a thimi le hliam tuarmi zat theih fian khoh a si lo.

Be the first to comment on "CHINA GAS PIPELINE CU HRAWH DINGIN TIMTUAH CUAHMAH A SI CANG"

Leave a comment

Your email address will not be published.


*