China hi a thawng bak ko ruah? ; USA a tler cang ko. Buainak lawngte si cang ko. Trump bia chim ding mi vawlei nih a zoh cang ko

Abuai chin lengmang cang ko ee. Vawlei thawngpang kan thei mi hi tihnak le lungretheinak lawngte si cang ko. Mah bantuk in vawlei cung mipi kan buai lio ah thawngpang thalo le ttih nung milawngte thei cu hna angam kho hrim lo. China nih mah bantuk in USA a tler ngam ah cun China hi a thli in a thawngbak ti a fiang ko. Mah bantuk In USA zong tih lo in a hrocer ngam cang mi cu a thawngngai mi ram an si ti a fiang bak ko.

The Global Times nih a ttial ning ah cun US State cheu le Business cheu nih Coronavirus ruangah thil an sung mi vialte cu an hmuh thawn khawhnak ding caah China cu bill an nih tim. China dantat a si khawhnak ding caah file tampi an ap cang. Mah kongah China nih a chim ning ah cun ka zoh sawh sawh lai lo, mah bantuk in China cungah thil tuah an nih tim mi hi zoh sawh sawh khoh ding an si lo tiin a chim. China cozah nih cun April ah Missouri Attorney General Eric Schimitt nih China dantat ding in a ap mi cu a cungah phuhlamnak kan tuah hmasak bik lai tiin an chim.

Chinese State Media nih Missouri Senator Josh Hawley, Arkansas senator Tome le Texas Congressman Dan Crenshaw pawl hna ming langter chap in, Republicans Senator pawl nih China cu dantat ding in an ti caah,  Yuan Zheng, research fellow Chinese Academy of Social Science nih a chim ning ah cun, mah bantuk in politicians a si mi nih, mah le mianak duh ruangah US le China relationship hrawh a tim mi hna hi dantat lo in kan chuah lai lo tiin an chim.

Ahopaoh, Anti China legislation a buaipi mi vialte cu, an cungah dantat lo in kan um lai lo. China sin in business in maw thil dang dang countermeasures hmangin phuhlamnak an cungah tuah loin kan chuah hna lai lo ttin a chim. Credit-GlobalTimes

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor