China hi cu a sual tuk hrinhrang ko! Australia cu ceilak in dantatnak a tuah hnuah France cungah thil tuah a tim tthan hoi cang

China a sual ning hi cu celh ding a si ti lo, Vawlei cungah mah bantuk in thinak a tlungter hnuah China a soisel i thanchiat mi ram cu ceilak in a phomh thluamah cang. Australia nih a soisel caah fakpi in dantatnak a tuah cang (Mah hi kan ttial cang mi a si, Chinpage ah rel khawh a si) Tu cu France nih Taiwan a bom tawn mi cu a rangnak in bawm ti lo ding in a ti hoi cang.

Kum 1991 thawk in France nih Taiwan sin ah hriamnam tha tha zuarnak kongah hnatlaknak a rak tuah pi cang. Taiwan nih China ram chungah um an duh lo. Independence Taiwan tiin President Tsai zong WHO member state ah tel a duh ve. Chinese Foreign Ministry nih cun France nih hriamnam Taiwan sin ah a zuar tawn mi cu a phih lo ah cun China nih France cu fakpi in dantatnak a tuah lai tiin France cu a tler cang hoi

Zhao Lijian, a spokesman for the Chinese Foreign Ministry, ” Zei ram poah nih Taiwan sin ah hriamnam an zuar mi hi rem kan ti lo. Military Security exchanges zong kan duh lo. France nih mah bantuk in Taiwan cungah thil a tuah mi hi kan duh lo, France nih one China Principle hi a zulh i, hriamnam a zuar tawn mi cu a rang nak in zuar ti lo ding in kan duh ttin a chim.

Taiwan nih Republic of China nawlngeinak tangah um an duh lo. Taiwan’s Ministry of National Defense, nih hriamnam lei ah ramdang bantuk in an si khaw ve nak ding caah kum 30 chung cu, France hriamnam dang dang cawk ding in i remnak an rak tuah cang.

Natein Taiwan hi China nih a ram chungah nawlngeinak tangah um seh ti a duh caah fakpi in dantat a tim tawn mi a si, USA ruangah tu tiang a tangah a chia kho lo mi khi a si.Credit-Reuters

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China hi cu a sual tuk hrinhrang ko! Australia cu ceilak in dantatnak a tuah hnuah France cungah thil tuah a tim tthan hoi cang"

Leave a comment

Your email address will not be published.


*