China hi cu tih nung bak ko; US, UK le Australia cu a tlerh cang. Ralrin ngai a hau

Abuai chin lengmang ko, thawngtha lei thei ding a um ti lo, Coronavirus ruangah vawlei cung ramkip cu a thawngpang chia nih ceilak in a kan deng thluamah lioi ah Chawlehnak le Technology lei ah hmangin fakpi in dantatnak kalpi a si i, ram pakhat le pakhat cu lei lak in an nih phomh thluamah ko

China nih Hong Kong ah National Security Law (upadi) thar a ser ruangah ceilak in soisel le thangchiat a si. Mah kongah hin China nih US, UK le Australia ram hna cu daitein um ding in le mah kongah zeihman chim lo ding in a ti ko. Mah kongah an nih thlak tuak sual ah cun an cungah dantatnak a tuah lai tiah a chim

Nithum ni ah US House of Representative nih cun Hong Kong ram chungah China nih National Security law a hmangnak kongah Chinese official pawl hna he rian ttuanti khawhlonak ding caah bill an passed

Mah bill hi a luangcia zar ah Senate nih vote hmangin a rak passed cang mi a si. House of Representative nih hin tlawmpal an thleng hnuah Senate ah kuat tthan a si. Upadi caah hmang khawhnak ding caah President Trump min thut lawng a tang cang

Nithum ni ah Australia Prime Minister Scott Morrison nih cun Hong Kong mipi hna cu Australia mi an si khawhnak ding caah lam a kawl piak hna lai tiah a chim ve. Cun UK Prime Minister Boris Johnson zong nih Hong Kong mipi hna cu Britain mi an si khawhnak ding caah lam serpiak an si lai tiah a chim ve

Mah bantuk in China nih Hong kong cungah a thil tuah mi ram pathum UK, US le Australia nih an duh lo i, China cungah dantat an nih tim ruangah Hong Kong nih mah ram pathum hna hi Hong Kong  cungah a thil tuah mi ruangah daitein um ding in le, zeihman chim lo ding in a ti hna

US, UK le Australia long si lo in ramdang tampi nih mah bantuk in China nih Hong Kong cungah National Security Law July ni 1 thawk in ahmang cang caah, an duh loning an au thluamah ve. European Union zong nih mah kongah China cu ceilak in a rak phomh cang. Credit-Vanglaini

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China hi cu tih nung bak ko; US, UK le Australia cu a tlerh cang. Ralrin ngai a hau"

Leave a comment

Your email address will not be published.


*