China mangchia; A chim ning bantuk in Trump nih a tuah hoi cang


A chim mi poah a tuah lengmang mi, a rak chim cia bantuk in China cu ceilak in a phomh hoi cang. Ka chim cia bantuk in US thawngpang hi mah Chinpage ah nikhat ah 4/5 ka ttial peng caah, US thawngpang le tu lio ah thawngpang lar ngai mi hna rel na duh ah cun mah Chinpage hi like/Follow vun tuah law, nikhat ah US thawngpang 4/5 vu na rel peng lai tinak a si

President Trump nih a chim ning bantuk in US ram chungin ByteDance TikTok le WeChat dawngternak ding caah September ni 15 tiang caan apek hna. Mah TikTok le WeChat dawngternak ding caah President nih Executive Order, minthutnak tiang a rak tuah cang.

TikTok hi cu Microsoft a si lo ah cun Twitter nih an cawk lai tiah zum a si. Natein WeChat caah cun thawngpang chia tak tak mi a si

WeChat hi China nih an duh mi poah an chim khawhnak hmun pakhat a si ve. Mah bantuk in President Trump nih thil tuah a tim cang caah, China nih Trump thil tuah a tim mi cu an vun soisel cang i, WeChat hi China nih duh poah bia chim khawhnak a di, mah bantuk Freedom of Speech kan ngei mi hi Democracy a si mi ram nih an ngei ve lo tiah China soisel pa in a chim

Mah bantuk in President Trump nih China’s Application WeChat dawngter a timnak ruangh bik cu, America Firm tampi ah China cozah nih a thli tein thil, US cozah caah atha lo mi a tuah lengmang caah a si tiah a chim. China nih hin US Technology tampi an fir piak tawn caah zong a si

Global Chinese community nih mah bantuk in President Trump nih WeChat banned a kalpi ding mi cu an cohlan bak lo i. Billion-user app social networking platform hi mi tampi nih bazaar nak ding caah le nungak le tlangval in date nak caah an hmang cang mi a si

WeChat’s owner, TenCent nih US ah service peng an duh ah cun, September thla hlan ah US firms sin ah an zuar a hau cang tinak a si. Kum 2 a luancia thawk in CCP nih WeChat hi  censor tuah an nih thawk. US le vawlei cung hmun dang dang ah um, China mipi nih mah WeChat hmangin an chungkhar hna an chawn tawn.

Mah bantuk in WeChat hi hmang khawh lo in US ram chungah tuah a si ah cun China company nih tampi a lose lai caah US le ramdang ah um mi China mipi nih an chungkhar pawl chawnnak an ngei ti lai lo ti an phan caah an lungrethei ngai. Credit- RTK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China mangchia; A chim ning bantuk in Trump nih a tuah hoi cang"

Leave a comment

Your email address will not be published.


*