China mangchia a phan hoi; USA nih ceilak in dan a tat than hoi cang

China caah cung zei thil poah hi dantatnak lawngte si cang ko. India le China an buai tuk caah India nih China apps 59 hna cu India ram chungah hmang khawh lo ding in aphih piak hna. Mah bantuk in China apps a phih piak hnu ni tlawmte ah China company Tit Tok nih 6 millions leng a sungh. Atu a sungh mi a tam tuk cang lai tiah mi thiam pawl nih an chim

USA nih China official pawl hna cu Hong Kong cungah upadi thar an ser caah Visa a phih piak dih. Mah hnuah China Bank le China official pawl hna cu tangka lei ah dantatnak fakpi in a tuah tthan hoi.

China caah cun thawngtha thei ding pakhat hman a um lo, US nih Reciprocal Access to Tiber Act hmangin China cozah official pawl hna cu an visa hmang khawh lo in a tuah tthan hoi

US Secretary of State Mike Pompel nih a chim ning ah cun  China nih Tibetan Autonomous Region (TAR) ram chungah  US cozah rian ttuantu, Thawngpang ttialtu le khualtlawngmi kal  a siang lo, natein USA ram chungah China mipi hna cu an duh poah in an um i,

khual an tlawng khaw, mah bantuk in China nih Tibet ram chungah American an duh poah in khualtlawng khawh lo in China nih phunlam a ser caah China official cungah dantatnak hi a tuah tiah a chim

Mike Pompeo nih a chim ning ah cun, Tibet mi hna, zalawngtein an um khawhnak caah le an ram chungah human right a um khawhnak ding caah USA nih fakpi in rian a ttuan lai tiah a chim. Credit- The Guardians

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China mangchia a phan hoi; USA nih ceilak in dan a tat than hoi cang"

Leave a comment

Your email address will not be published.


*