Coronavirus ruangah vawlei cung ramkip muinak in kan um lio ah, India le China cu raltuk kho dirhmun an phan. Ramri ah fakpi in an buai lio ah tu cu tlawmpal a zia cang.
India ralkap minung 20 an thi ti India nih a phuan hnuah China nih tu tiang ralkap minung zeizat an thi ti a phuan duh lo caah China ram chungah ralkap a rak ttuan cang mi an thin hun tuk cang.
India le China an buai caah India nih China Apps 59 hna cu India ram chungah hmang khawh lo in a phih hna. Mah kongah China cu a thin hun tak tak i, India nih China apps lartuk mi Tit Tok a dawngter hnu zarkhat ah China nih millions 6 leng a sung
US le China zong fakpi in an buai lio a si ve caah, US Secretary of State Mike Pompeo nih a chim ning a cun China cu vawlei cungah ram thawnbik ka si ti bantuk in a duh poah in China ram pawngah um mi ram cungah buainak tampi a tuah caah President Tump nih China Apps tampi dawngter nak ding caah lam a kawl lio a si tiah a chim
Mike nih a chim ning ah cun, social media platform ah nang private thil information, Chinese Communist Party nih an ngei mi hi nan duh maw” tiin a chim. TikTok, short-form video app hi Beijing-based ByteDance ta a si.
US politicians pawl nih hmang tha lo tiah an rak chim cang mi kha a si. US ah 175 million users an um lio a si. TikTok hi Transportation Security Administration (TSA), Department of Homeland Security, US Army & US Navy ah hmang ding in cozah nih rem a rak ti lo mi kha a si. Credit- RTK
Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.
Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.
Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor
Be the first to comment on "China mangchia; China nih a zum ning bantuk in Trump nih a tuah hoi cang"