China mirum pawl caah cun celh ding si ti lo; Mangchia an tawn tak tak cang

Coronavirus le South China sea ruangah China cu a buai chin lengmang cang hi, a hak a  kau tuk cang caah, tu cu a duh lo mi lawngte a cungah tuah a si cang. USA nih China mirum, Alibaba company ngeitu Jack zong ceilak in dantatnak an tuah cang.

Amah sual ruangah si lo in China cozah sualtuk ruangah China mirum company pawl nih ceilak in an tuar lengmang cang. China mirum company ngeitu tampi zong ramdangah company headquarter ngei ding in lam an kawl thluamah cang.

Ramdang vialte nih China cu an zum lo caah China ram chung ah company um mi poah cu an zum ti lo. TitTok ngeitu ByteDance Ltd  zong nih hartnak an tawn ve cang. Huwai cong nih ceilak in harnak a tawn cang. UK, Australia le UE nih an kal tak cang fawn hna

US Cozah Nih Tiktok Phih A Timh. US ramdang vuanci Mike Pompeo nih “TikTok a hmangmi US citizen hna nih TikTok chungah an thunmi information le data vialte cu Tuluk communist cozah kut ah a phan kho dihmi a si caah TikTok hi US ah kan phih a hau,” tiah a chim.

Mah ti kan tuahmi hi private company caah si loin US citizen himnak caah kan tuah a herhmi a si tiah a chim chap. US ah TikTok a hmangmi hi US ah 37.2 million an si. Mah chungah minung zeimawzet an data le information cu Tuluk communist cozah kut ah a phan cang lai tiah zumh a si.

US bank ngan bik pakhat a simi, Well Fargo Bank ah rian a tuanmi paoh cu company nih TikTok hman lo dingah nawl a chuah cang. A rauh hlan ah TikTok cu US ah an phih chom lai tiah zumh a si.

US cozah nih 5G network a hmangmi Tuluk company Huawei zong US thilri a thlithup in an fir lai a phan ruangah US ah luhnak nawl a phih cang hna. UK cozah nih zong nih Huawei company cu an phih ve. Credit- TimesofIndia & Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China mirum pawl caah cun celh ding si ti lo; Mangchia an tawn tak tak cang"

Leave a comment

Your email address will not be published.


*