China mual a pho. China nih Australia a tlerh, USA nih Australia a vun dirpi cawlh

Coronavirus ruangah vawlei cung politik cu a buai chin lengmang cang. China cu ram tampi nih dantat an duh tuk cang. Coronavirus origin hlethlainak tuah ding in Australia nih International Investigation tuah ding in a ti i, USA cu ka dirpi lai a ti. Mah Coronavirus origin hlethlainak hi China nih Coronavirus a dawng tikah tuah si seh a ti. China nih Trade  (Chawlehnak) hmang in Australia cu dantat ding in a tlerh. Barley ah Tarrif kai ter an nih tim. Barley hi Australia nih tangka a hmuhnak bik pakhat a si ve.

Australia le China zong Coronavirus ruangah mah bantuk in an buai ve ang caah, US congress members dihlak, Demecrats le Republican pawl nih Australian Ambassador sin ah ca an kuat i, Scott Morrison’s nih Coronavirus origin hlethlainak tuah a duh mi cu fakpi in kan dirpi lai tiah an ti

American Politics ah Bipartisanship/Demo le Rep nih mah bantuk in lungrual tein thil an tuah ti mi hi a um bal lo mi thil bantuk khi a si, ” Republicans and Democrats says U.S. ‘will always have Australia’s back” tiin an dirpi ning an chim

Coronavirus ruangah USA le Australia lawng nih an tuar lo. Vawleicung ramkip nih an tuar dih. Australia le USA alliance hi lungrel tein rian kan ttuan ti lai. Century tampi cu Australia le USA nih caan chia kan tawn tti. Cu ve bantuk in atu Coronavirus kong zong ah fakpi in rian kan tuan tiin Arthur Sinodinos nih a chim

A liam cia zarhnih hrawng ah khan. PM Scott Morrison nih Chinese Diplomats sin ah Independent Inquiry tuah a tha lai tiah a rak chim. China’s Ambassador to Australia Cheng Jingye nih, Australian Financial Review Australian Producers sin ah, Australian beef -wine hna cu China nih a cawk ti lai lo tiin a rak chim, cun Barley ah tarriff tampi lak piak an tim tthan hoi

The members of the U.S. Congress nih cun, China’s Ambassador to Australia Cheng Jingye nih Australia tlerhnak a leh cawl. China cozah nih cun ramdang thawnglonak ah fakpi in anphomh tawn, mah hi an rak tuah tawn ning cu a si. Coronavirus ruangah thil harngai mi tampi kan tawn te lai. biakhianak harngai mi tuah ding a ra thluamah lai. Chinese government’s in cooperation & transparency a ngei lo. Zeibantuk thil har Australia nih a tawn zong ah a hawi le tampi kan um ko. Zeibantuk in caan chia Australia nih a tawn zawng ah a hnungah kan dirpi peng ko lai tiah a chim. Source-The Sydney  Morning Herald

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor