China nih G-7 pawl a ti ning cu a fak tak tak; US nih zeitin dah a let lai ti zoh si cang

Russia nih Ukraine a tuk mi nih thawngpang dang dang a vun chuahpi lengmang cang, China nih Russia a support tuk ruangah G-7 pawl nih China cu Russia support tuk ti hla tiin ca an kuat. Natein Beijing nih cun China nih kan policy he pehtlaih mi kongah kan mah nih kan nih tawlrel te ko lai, G-7 pawl chim ding mi nan ngei lo tiin a let hna, Group of Seven nih hin ramdang kongah i thlak lo in, an mah le ram caah

heh tiah tuan ko hna seh. Ramdang kongah i thlak ti hla seh, daihtein um ko seh, China nih kan

tuah mi kongah zeihman chim ding mi nan ngei lo tiin China nih Group Seven pawl hna cu a sik hna

Press conference Monday ah Chinese Foreign Ministry spox Zhao Lijian nih a chim mi cu, “Group of Seven ram pawl nih hin, Vawleicung hi thancho chin lengmang hna seh, remnak le daihnak um seh ti an duh tak tak a si ahcun, Ram kong ah i thlak lo tein, double/multiple standards hmang hmang in zeihman an tuah a hauh lo. Ramdang thil tuah mi kongah i thlak i, Raltuknak lawng le vanlawng kuat lengmang hi

ngawl hna seh” tiin Group Seven pawl a phomh hna. Mah bantukin China nih a chim duh hnawh chan

bik mi cu US hi a si, US thil tuah ning lawngte a chim caah US nih zeitin dah China hi a let lai tiah zoh a si. Cre-RTK

Kawlram thawngpang…..“SAC nih Chin ramkulh, Matupi ah 2022-2023 cacawn kum sianginn hun a timh. Grade 5 le Grade 8 cawn ning thar chimh cawnpiaknak training an kai,” tiah CDM tuahmi siangcachim(sayamah) pakhat nih a chim. Cawn ning thar chimh cawnpiaknak cu Matupi peng Head of Education Ṭin Luai inn ah an tuah i an dih cang, tiah theih a si.

Tualchung mi nih an chim ning ah, “Head of Education(ပညာရေးမှူး) zung hlun ah bomb a puah

caah Ṭin Luai cu zung a kai ngam ti lo. A herh mi zung rian kong cu a inn ah a tawlrel,” tiah an chim

Cheukhat cu a ruang tampi ruang ah CDM tuah an ngol i zung rian an lut ṭhan hna. Cu kong he pehtlai in CDM sayamah pakhat nih, “Mah le lung i thlen ning cio a si ko. Kannih zong kan har tuk ko, aho hmanh tangka tampi ngeih in CDM tuah mi kan um lo. Kan zeizong vialte kaltak in CDM kan tuah. CDM a tuah ko nain zung rian a lut ṭhan mi hna kong ah zeihmanh chim ding a um lo,” tiah a chim.

Matupi ah sianginn hun ṭhan an timh ko nain Matupi peng khuate hna cu CDF nih

an  uk caah SAC ralkap nih sianginn hun an i tim lo, tiah theih a si.

==Magwe ramṭhen, Myaing peng Ywalay khua mi cu May 13 in 15 tiang ah SAC ralkap nih 60 hrawng an tlaih hna, tiah theih a si. Tlaih a tong mi hna hi May 13 in 16 tiang ah Wyashi Letyama, Phiahti le Taungkaing khua mi hna an si, tiah theih a si. May 13 le 14 ah Letyatma khua mi 23, Taungkaing khua mi 7, Phiahti khua mi 8 tlaih an tong i,

May 15 ah Letyatma khua mi 10, Taungkaing khua mi 7 le Pitauhkan khua mi 6 an tlaih ṭhan hna.

An tlaih mi hna chung ah kumtling lo le nu zong an i tel, tiah tualchung mi nih an chim. Tarpa pakhat nih, “Tlaih a tong mi hna cu an meithal, zen-kuan pawl le thil an fir mi an putter hna. Kum tlinglo ngakchia pa zong bag nganpi an beiter. Pitauhkan khua tlaih a tong mi hna lakah  kum 13 hrawng Htun Htun Win, kum 17 hrawng Kyaw Zin Aung, kum 38 hrawng Aung Kyi Shwe le kum 55 hrawng Htey Win le a fapa hna cu May 16 tiang ah an thlah rih hna lo,” tiah a chim. “SAC ralkap nih Letyatma khua telh in pawngkam khua 5 ah rallam an sial caah khua mi cu an zaam dih, eidin le ngandamnak lei zohkhenh kan herh tuk,” tiah tualchung mi hna nih an chim. Cre-TCP