China nih lehnak a tuah bak ve cang. Joe Biden Presiden thawng a si maw?

Tu lio cu US le China kar a buai ngai. A linsa chin lengmang zum ning bantuk in China cu a thawng chin lengmang caah US zong nih duh poah in China cu dantatnak a tuah ngam ti lo. President Joe Biden nih Primetime interviews a tuahnak ah, China nih Taiwan a tuk ahcun,

US nih Taiwan a bawm lai ti fiangtein a chimnak ka rak tial cang kha. Mah bantuk in President Joe biden nih a chim hnuah,

China nih US president bia chim mi cu a vun lehcawlh i, US President nih Taiwan ka bawm lai tiah a chim mi hi China nih kan duh lo,

US hi a tuah lo ding mi thil kongah i thlak ti hla seh. Ramdang thil kongah i thlak lo in um i tim seh tiin US cu buainak chuahpi tu ah a puh than Antony Blinken nih a chim mi ahcun, UN rian tuan ning kongah, Taiwan nih tuah ding mi (role Play) a her tuk mi a ngei tiah a chim mi zong

China’s Taiwan Affairs hotu Ma Xiaoguang nih lehnak a tuah cawlh i “China pakhat lawng a um, Taiwan ram nih zeihman tuah ding mi a ngei lo”

tiin Taiwan cu daihtein um ding le Taiwan hi China ram a si ti cohlan ding in a tlerh cawlh.  Taiwan President Tsai-Ing wen zong nih bia a vun chim ve i,

President JOe Biden nih Taiwan kan bawmh lai tiah a chim mi kongah lunglawmnak tampi kan ngei i, Cun UN heh rian tuan ti ding ready kan si peng tiin a chim. “Beijing nih Taiwan cu a tlerh peng zong ah zeihman tihnak kan ngei lo, China kut tangah zeitik hman ah kan um bal lai lo, Taiwan mipi nih

zalawngnak kan ngei bantuk in mah le tin i ven ding in right kan ngei i Taiwan hi zoh sawhsawh ding kan si lo tiin a chim chap.

US Defense Secy Lloyd Austin nih NATO’s Minister meetingah, US nih a hawikom a si mi ram cu dirpi i ven hi kan rian a si ti a chim i, China-nih Taiwan a tuk ah cun kan bawm lai ti fiangtein a chim lo.

Trump President a rak si lio ah China kha tuk a tim i, voihnih tiang tuk an tim, natein adviser pawl nih tuk lo ding in an ti caah a tuk lonak ruang kha a si. US Secy of State Antony Blinken nih, US nih China a hmuh ning cu a a hlan bantuk in a si ko,

China cungah kan lungput a thleng lo a hlan bantuk a si peng tiin a chim. Cun, US nih Taiwan a hmuh ning zong a thleng lo i, ahlan bantuk a si peng tiin a chim.

White House Press Secy Jen Psaki nih a chim ning ahcun, President Biden nih Taiwan kan bawmh lai tiah a chim mi kongah, China- nih a duh lo mi cu, “US policy a thleng bal lo, a khat peng” tiinPresident Joe Biden a vun dirkamnak a vun chim ve. Cre-CT. Lalrinawma

Be the first to comment on "China nih lehnak a tuah bak ve cang. Joe Biden Presiden thawng a si maw?"

Leave a comment

Your email address will not be published.