China nih US duh lo bik a tuah ve cang. UN ah China nih US a block ve cang

US le China cu meheh le uico bantuk in an um peng. China nih UN Security council ah US a duh lo bik mi le a huah bik mi cu tuah lengmang ding in lam a kawl thluamah cang

Mah bantuk in thil a si lengmang a cun US le China cu an nih tuk tak tak ko lai tiah mi tampi nih an zum ning an chim. Coronavirus ruangah ramdang tampi nih China an zoh ning le an hmuh ning an thleng dih cang caah China nih Iran hi hoikawm ah a ser

UN nih Iran nuclear issue kongah UN Security Council members sin ah ca a phawt thluamah. Mah kong hi zia, US nih a vun chim lengmang. Kum 2018 ah Trump administration pawl nih Obama thil rak tuah mi vialte kha an kal tak dih tung.

UN Security Council tangah Iran Sanction/dantatnak hi a dih cang lai ding mi khi a si. UN nih Iran cu a hrem ko zawngah Nuclear ser khawh ding in lam a kawl peng

US nih Sanction/hremnak hi pehzul lengmang ding in UN Security Council cu a nawlh.  China le Russia nih cun US nih JCPOA a chuahtak hnuah, zia bantuk kongah hin a buai lengmang tiin US a duh mi cu an cohlan duh lo

China nih Iran cu a vun dirpi i, US nih China hrem a tim tthan mi cu ka cohlan lo ttin a vun chim cang. Beijing nih a chim mi cu, mah bantuk in Iran hi dantat leng cu thil tha a si lo, Dantat lo in cabuai ah thatein cei i, i remnak lam kawl ding tiin a chim. Natein US nih cun Iran hi cabuai ah bia ceipi i, remnak tuah pi cu a duh lo bik mi asi.. Credit- RTK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China nih US duh lo bik a tuah ve cang. UN ah China nih US a block ve cang"

Leave a comment

Your email address will not be published.


*