China nih USA a phomh hoi cang; Trump nih zeitin a ti lai ti an zoh cang ko

Tu tan China nih a chim mi cu a dik ngai tiah an ti cio. USA le China kong cu kan thei tam deuh deuh, ngai a nuam chin chin ti si ko hi. Vawlei cung ah ram thawnbik a ti ve ve mi USA le Chian cu Coronavirus ruangah ui le meheh bantuk in an nih phomh peng. China nih USA thil tuah ning cu a zoh sawh sawh khoh ve bak lo caah USA cu a vun phom tthan hoi cang

   Nithum ni ah USA nih raltuknak vawnlawng cu Taiwan cungah a zuangter, China nih USA tuah ning bantuk in a tuah ve. China cu a thinhung tak tak. China nih USA cu fakpi in a soisel tthan hoi i, mah bantuk thil hi tuah ti hla seh. USA ram chungah coronavirus ruangah aa zawtmi an tam i a thi mi zong an tam tuk cang. Mipi hna kha thatein zohkhen hna seh. Mah bantuk in USA mipi an thi tam lio ah USA official pawl nih mipi sin ah ngaithiam halnak zeihman an chim duh lo. Ramdang cungah fakpi in buainak an ser

Secretary of State Mike Pompeo nih 2019 Religious freedom um lonak ram a si ttin fakpi in China a soisel, Mike Pompeo nih hin China soisel le thangchiatnak kongah zeihman chim ding a ngei lo.USA hi China nak in zeidah a that hleinak um? George Floyd thinak ruangah mi tampi an thi cang. Mah bantuk tete hi buaipi u ca. USA stock market cu a sang chin ko, natein tu tian coronavirus an tei khawh lo. An thil tuah ning cu vawleicung ramkip nih kan theih dih ko.

USA hi hakkou nih hin zatawk a thei lo. Kan ram chung South China sea le Taiwan tiang in buainak nan tuah. Nan nih thlakdak ding lam a um lo. Mah le ramchungah buainak kal tak in miram buainak ah fakpi in nan nihthlak. China nih Coronavirus case 100,000 kan ngei i, serious tuk in kan ruah. Thil dang kan buaipi lo. Natein USA nih cun mah bantuk in an ram chungah Coronavirus ruangah buainak a tlung bu in ramdang cungah buainak tuah le ramdang tler cu an kaltak duh bak lo. Source-The Global Times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China nih USA a phomh hoi cang; Trump nih zeitin a ti lai ti an zoh cang ko"

Leave a comment

Your email address will not be published.


*