China ralkap a thi an tam bak ko. China nih a chim duh lo mi cu USA nih a phuan piak dih

India le China i tuk ruangah China nih a chim duh lo mi ralkap a thimi minung cu USA nih a phuan piak. China ram cu Communist a si caah cozah nih a siang lo mi thil cu news ah phuan ngam a si lo. China nih phuan ding mi a ti mi lawng hi phuan a si tawn. Tu tan India le China Ladakh buainak ah hin meithal hmang lo in kuttum, lung, nam hmangin fakpi in an nih tuk

US News America Intelligence nih a langter ning ah cun Nikhat ni (Monday) zan ah Ladakh ah India le PLA i velnak ah Chinese ralkap minung 45 an thi tiin a chim. Mah bantuk in US News nih thawngpang a than mi kongah Chinese news nih cun zeihman a chim duh lo

U.S. assessment nih a langter ning ah cun, mah bantuk in China nih PLA ralkap a thi mi an langter duhlonak ruang bik cu an mualpho tuk sual lai tiah an tih caah an langter duh lo tiin a ttial

Source nih a ttial ning acun , PLA ralkap 45 an thi, Cun China semi-official nih global Times, Editorial ah a chim ning ah cun tu bantuk in buainak ruang cu India lei an dik lo ruangah a si tiin India cu sual ah a puh.

Indo-Pacific strategy  ah US nih India cu fakpi in a forh, Indian Elite pawl nih an thil tuah khawh mi cu an ruah sual cik cek. New Delhi nih a thei peng ding mi cu USA le China investment bantuk hi USA le India investment a um khoh lo. Washington nih hin India China relationship a chiatnak lawngtein thil a tuah lai. India nih hin Washington interest caah ah rian a ttuan sawh sawh tiin India cu  thiamlo ah a puh

US News nih China ralkap thimi zat minung a chim mi kongah China nih zeihman a chim lo caah vawlei cung ramkip nih US News chim mi hi an zum ngai.  Source – USNews, The Global Times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China ralkap a thi an tam bak ko. China nih a chim duh lo mi cu USA nih a phuan piak dih"

Leave a comment

Your email address will not be published.


*