China ram chung in zawtnak dang a chuak tthan hoi. Apoi tak tak

Vawlei cung thawngpang kan thei mi hna hi hna a ngam kho hrim ti lo. Zawtnak dang dang a vun chuak thluamah cang ko. Mah bantuk in Coronavirus zawtnak ruangah vawlei cung ramkip kan buai i, tu tiang sii an serh khawh lo mi nih zeitluk in dah mikip lungrethei in um a si. Atu cu thawngpang dang, coronavirus bantuk zawtnak, coronavirus nak in ttih a nung deuh mi cu, China ah hmuh tthan a si

China ram Jilin & Heilongjiang ah Coronavirus cluster thar an hmuh. Wuhan lei ah Coronavirus hrik he a khat lo ti a si. Wuhan lei ah Coronavirus zawtnak a ngei mi cungah cun zawtnak kha a rau hlan ah a vun lang thluamah. Natein atu Jilin & Heilongjiang provinces ah Coronavirus cluster thar an hmuh mi ah cun mah zawtnak hi a lang har ngai i, a zawmi cungah khuasik ti bantuk zong a um lo ti a si

Qiu Haibo, National Health Commission expert group ami nih cun mah zawtnak thar a ngei mi nih  khuasik an ngei lo i, multiple organs chia nak in CUAP lei ah fakpi in a hrawh ti in a chim. China ah hin Second wave an ti mi cu a tlung than lio a si. China state-run broadcaster CCTV ah Haibo nih cun Coronavirus hrik incubation period cu Wuhan lei ah a chuak mi coronavirus nak in Jilin & Heilongjiang provinces ah hin atu zawtnak an hmuh mi nih, mi cungah rian a ttuannak caan hi a sau deuh tiin a chim.

Jilin & Heilongjiang ah Coronavirus an hmuh mi hi imported/ ram dang in chonh a si lai tiah an zum. Researchers , United States ten “14 mutations in the crown-like spikes” an hmuh tthan hoi. Source-Indiaexpress, Timeofindia, Timesofisreal, News18, Huffingtonpost

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China ram chung in zawtnak dang a chuak tthan hoi. Apoi tak tak"

Leave a comment

Your email address will not be published.


*