China tih bik mi US le Australia nih tuah lengmang ding in biakhianak an tuah cang

Tihnung thluamah cang, China le USA le Australia an buai ning cu thei dih a si ko cang. Australia nih UN ah China nih South China Sea cu ka ram a si tiah, aram bantuk in a zoh khennak kawngah Australia nih UN sin ah China cu dantat ding in a chuahpi. (Mah kong hi Chinpage ah ka ttial cang kha)

Mah bantuk in Australia nih China cu UN ah dantat ding in a chuahpi caah, zarkhat hnuah China nih Australia cu a vun leh cang i, “Australia nih South China Sea tam deu cu China ram ta a si ti mi le China nawlngeinak a si ti hi a thei duh lo ruangah a si tiah a chim,

South China Sea hi China’s land territorial sovereignty, maritime rights & interests an si, international law maw, the United Nations Charter phunlam kan buar mi pakhat hman um lo tiah China nih a chim

Australia nih hian nan tuah sual cik cek”. China nih island chain Paracels & Spratly islands hna hi kan ta a si dih, hlan lio ah kan pi le pu chan lio ah kan ta a si cang tiin south China sea hi 90% kan ta a si tiah a chim

US le Australia nih high level talks an ngei, Mah biaceinak an ngeinak ah hin South China Sea ah rian ttuan ti ding in le Beijing influence a tlawm khawhnak ding caah Mike Pompeo nih Naval drill a tam khawh chungin ngei ding in biakhianak an tuah.

“Indo-Pacific, ah Australia nih China’s South China Sea  hi an ta bantuk in an chim peng mi hi a dik lo tuk mi a  si.  Australia, Japan & the United Kingdom he mah China sea ah hin nawlngei ding in lam kan kawl lai tiah a chim.” Credit- The Guardians

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China tih bik mi US le Australia nih tuah lengmang ding in biakhianak an tuah cang"

Leave a comment

Your email address will not be published.


*