China tuknak ding caah valei cungah tangka tambik cu USA nih hnatlak nak a tuah cang

Nuclear ram ve ve an si, hriamnam hmangin China le USA hi an nih tuk lai ti cu zum a si lo, natein China nih supower si a tim ning kongah, USA cu um saw sawh a tim ti lo. Trade war hmangin China le USA cu fakpi in an nih phomh.

USA nih a tei caah China he Trump duh ning bantuk in deal an tuah. Natein mah deal an kalpi hlan ah Coronavirus cu China ram in a vun rah, Vawlei ramcung buainak in a khat.

Mah bantuk in thil a si caah USa politician pawl um sawh sawh an nih tim ti lo. Budget hmangin Chia he an nih tuk cang. USA nih mah bantuk in China dohnak ding caah tangka a chuapi mi nih China a lauter bak ko.

Friday ah The US House Armed Services Committee nih annual £594 billion (US$741 billion) defence legislation ah hnatlak pi nak an tuah. Mah legislation ah bill an pass mi nih a langter mi cu China nih vawlei cungah ram thawngbik “super power” si a tim mi khamhnak ding caah a si lai ti fiangte in langter a si

Representative Paul Mitchell, Republica Michigan nih a chim ning ah cun.”Mah room chungah um mi dihlak nih hin, China nih super powers si a tim, USA cungah um a tim ti a thei lo mi kan um hnga maw? A zum lo mi nan um maw? tiah bia halnak tiang a tuah

US House Armed Services Committee nih ma legislation caah hin suimilam 14 leng cei hmainak an ngei hnuah, 56 vote hmangin mah bill hi cohlan a si. Mah tangka hi technology, scientific research & defence lei ah China nak in rian fakpi in an ttuan khawhnak ding caah le China cu USA tangah chia peng a si khawhnak ding tiah an chim.

Mah bill ah hian “earth metals supply chain “, China vawlei cungah supply thawngbik a sinak cu teiding in mah tangah hmang a si lai. US Congress nih hin China cu zoh sawh sawh an nih tim ti lo i, China tuknak caah lungkhat tein rian an ttuan ti a lang ter ngai. Credit- Fox News

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China tuknak ding caah valei cungah tangka tambik cu USA nih hnatlak nak a tuah cang"

Leave a comment

Your email address will not be published.


*