Chinmi ralrin chinchin hna u sih. USA ah suimilam 24 ah minung 2108 bak an thi. USA rian ttuantu pawl bia chim mi cu celh ding si ti lo

Mah bantuk in thimi an tam lio ah Chinmi tampi cu rian an ttuan peng i, minung hi zeibantuk in rum ko hna hman u sih law, kan nunnak hi a dih ah cun tangka pawl hna cu zeihman a si lo. I ralrin chinhin han su si. USA cu zaangfah a si tak tak cang, a thimi an karh thluamah cang i, rian ttuantu pawl zawng mitthli he an um ko cang. US-ah COVID-19 zawtnak ruangah mi 18761 an thi cang. A damlo mi hi 5330177 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si. Zahan suimilam 24 chung ah minung 2018 bak an thi i, USA khuaci a mui tak tak cang, rian ttuantu pawl zawng nih a tuahnak lam an theih ti lo. Pathian a cawl cang lo ah cun zeihman tuah khawhnak lam an ngei ti lo.

Mah bantuk in USA ramchungah thawngpang a si lio ah vawlei cung ngangamnak lei ah rianttuantu le USA President Trump karlakah ah buainak fakpi a chuah i, WHO hi China tangah a um cang i, biahman zeihman a chim duh lo caah USA nih zoh sawh sawh a tim ti lo

Thawngpang a mak chin lengmang ko cang. President Trump a mawh hrim lo, Vawlei cung pumpi caah ngandamnak lei ah rian ttuantu WHO zong zum kho a si ti lo ee!! China ruangah vawlei chung ramkip ah ngandamnak lei ah rian ttuantu pawl WHO cu USA politician le mipi tampi nih an zum kho ti lo. A poi tak tak cang.

Trump nih WHO dantat a tim cang……..China nih lih le hrawkhrawl in WHO cu coronavirus kongah a hman lo mi thawngpang kha a theihter tawn. Mah cu WHO nih a dik maw dik lo ti zoh hmasah loin China nih a chim mi poah kha a hman mi a si tiin vawlei cung ramkip sin ah thawngthannak a tuah tawn. WHO nih China cu thil sining le a dik mi chim le phuan ding in a ti ngam lo caah Coronavirus ruangah atu dirhmun hi kan phan mi asi an ti cang

President Trump cu China le WHO an thil tuah ning ah a lungtlin lo tuk caah WHO sin ah bawmhnak tangka tampi an pek tawn mi cu kan tthum piak cang lai tiah a ti cang. Hi lio ah a ral a si mi Democratic Governors, lawmakers pawl nih cun Trump cu fakpi in an soisel i, Coronavirus Pandemic kongah President Trump cu rian a ttuan mi a tlawmtuk an ti. January 31 ah Trump Administration nih China Travel ban cu Coronavirus ruangah an rak tuah, natein Febuary ni 3 ah WHO nih mah bantuk in China Travel Ban tuah a hau lo tiin USA President Trump cu a ti.

President Trump nih WHO nawl bantuk in thil kan rak tuah lo mi kha thil tha tuk mi a si. China Travel ban a her lo tiah WHo nih recommendation an vun tuah mi kha zei ruang si hnga tiin Trump nih a chim. Atu tiang WHO nih mikip nih mask hmang a herh lo tiah a chim ko buh in US’s Centers of Disease Control nih cun USA mipi hna cu Mask hmang ding in mipi sin ah theihternak a tuah cang. GOP lawmakers pawl nih WHO hi China tangah a um bantuk in an ruat cang i, Sen, Marco Rubio, Florida Republican, said WHO’s Director-general Tedros Adhanom Ghebrevesus should resign because “he allowed Beijing to use the WHO to mislead the glocal community.. ti in a chim

January ah khan WHO Chief Tedros nih China President cu fakpi in a rak thanthat cang i, Xi Jiping nih coronavirus kong ah a rian ttuan ning cu thanthat awk tlak a si ttin a rak chim cang. Atu hi USA ah mi 11000 hrawng an thi cang i a damlo mi zu 300000 hrawng an phan cang. Mah bantuk in thil a si caahh WHO cu fakpi in soisel le thangchiat a si

Acting Navy Secretary Thomas Modly a rian in phuah a si hoi cang. Zeizong hi China (Coronavirus) ruangah si ko cang hi……..Coronavirus ruangah USS Theodore Roosevlt, Aircraft Carrier  Captain Brett Crozier cu a rian in phuah a si nak kong ka ttial cang.  Navy Secretary Thomas Modly cu mel 8000 hla Guam lei ah a va zuang i, Captain Brett Crozier cu a rian in i phuah ding in a va chim. Natein USS Theodore Roosevelt Crew members 5000 leng nih USS Theodore Roosevlt, Aircraft Carrier  Captain Brett Crozier cu mi raltha, pasal “HERO” bantuk in an thla. Captain Crozier hi COVID-19 zawtnak in damlo in a um ve.

Mah kongah bia le hla a tam tuk caah Acting Navy Secretary Thomas Modly, USS Theodore Roosevlt, Aircraft Carrier  Captain Brett Crozier a rian in a phuahtu pa cu a rian in phuah a si ve. President Trump an Monday press briefing a ngeinak ah a chim ning ah cun Acting Navy Secretary Thomas Modly nih, Captain Crozier a rian in phuah a sinak ruang cu US mainland ah Coronavirus an buaipi tuk cang caah mah bantuk in a ra ding mi caan ah a si sual ah cun USA cozah a buaituk lai caah i ralrinnak caah Captain Crozier hi a rian in a phuah tiin a chim.

The Pentagon lei in Acting Navy Secretary rian ttuan ding in Acting Undersecretary of the Army, James McPherson an duh. Mah bantuk thawngpang a daih hnuah Navy Secretary cu thim a si lai. Speaker Nancy Pelosi zong nih Modly hi a rian in phuah ding in a ti cang. Atu US Navy Aircraft carrier service khawh lo in mah bantuk a umnak ruang cu Coronavirus ruang a si i, Captain Crozier nih 5000 crew members lakah coronavirus a chonh mi an um cang caah, ralkap tampi an thi sual lai ti kha a phan caah The Pentagon sin ah bawmhnak a va hal mi kha a si. Zeizong vialte hi Co-19 ruangah a si ko cang

 

 

Be the first to comment on "Chinmi ralrin chinchin hna u sih. USA ah suimilam 24 ah minung 2108 bak an thi. USA rian ttuantu pawl bia chim mi cu celh ding si ti lo"

Leave a comment

Your email address will not be published.


*