Chinpa nih coronavirus zawtnak in mual a kan liam tak; A fapa zong coronavirus a ngei caah siizungah zohkhen lio a si

A faktuk hrinhrang. A ruak cu mei in dua a si i, a chungkhar hna cu a ruak vuinak siizungah tel siang an si lo. Coronavirus ruangah kawlram zong muinak khur ah a kan lut pi cang, Myanmar ram chungah coronavirus zawtnak a ngei mi minung 150 an um cang.

Chinmmi chungah paruk an um cang, mah bantuk in thawngpang a si lio ah vanchiat in Chinpa, Yangoon, Myanmar-Presbyterian khrifah ah upa rian a ttuan lio mi cu coronavirus zawtnak in zahan ni 29 suimilam 11:30 ah mual a kan liam tak. Mah nih lala hin a ruak hi cu mei in duah a si.

Myanmar ram in vanglaini nih a theih ning ah cun , Khrifa upa rian ttuan lio mi Upa. Hma Ngai hi Covid a ngei ruangah siizung ah zohkhen a si lio ah a thi tiah thawng thei a si. Mah siizung ah khrifah upa pakhat nih a ruak vuinak program cu a tuah i, mah a ruak vuinak ah hin a chungkhar pawl hna tel siang a si lo. Cozah phunglam bantuk in a ruak hi mei in dua a si.

Upa Hma Ngaih a fa le lakah pakhat cu coronavirus a ngei ve i, atu hi siizungah zohkhen lio a si. Afanu le fa pakhat cu atu hi home quarantine in chia lio an si- Source- Vanglaini le Breakring New “Whatsapp Group”

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor