Chinram caah thawngtha tak tak; Dr. Sa Sa thawngin Chinmi 3 nih sibawi (MBBS) Degree an dih cang

Dr. Sa Sa nih Chinram caah rian a ttuan ning cu chim a hau ti lo, thei dih a si cang ko, mi caah zeibantuk in rian ka ttuan lai tiah lam a kawl peng mi le mi bawmh ding in a tuah kho mi poah thil tha tuah peng mi Dr. Sa Sa thawngin Chinmi pathum nih sibawi (MBBS) an ngah

Dr. Beichochai, Dr Ngunzalian and Dr Meipaw Rokye hna hi Dr. Sa Sa thawngin Myanmar ah tanghra an passed hnuah Dr. Sa Sa tangah Health and Hope ah rian an ttuan, Mah hnuah India ram, shillong ah class 11 le 12 cawng ding in a kalter mi an si.

India ram Shillong ah a voikhatnak ding caah Science Stream ah English in siang inn cu an nih thawk ve, An caah cun zeitluk in dah a har lai, natein fakpi in, ram le miphun caah le Pathian caah tiah saduhthanak an ngei mi cu 1st Division ah an passed.

India ram ah class 12 an dih hnuah Pathian sin ah fakpi in thla an cam tawn i, an mah pathum caah fimnak tampi Pathian sin ah an hal tawn tiah Dr. Sa Sa nih a chim. Cun Sibawi (MBBS) cawn ding in  Ningxia Medical University  China ah an pathum in an kal

Tu ni  (30 June 2020), ah Dr Ngunzalian, Dr Meipaw Rokye le Dr Beichochai cu tlamtling tein kum 6 an rak cawn hnuah MBBS degree cu tlamtling tein an lak cang- By: Dr. Sasa (Ngiapapaw)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Chinram caah thawngtha tak tak; Dr. Sa Sa thawngin Chinmi 3 nih sibawi (MBBS) Degree an dih cang"

Leave a comment

Your email address will not be published.


*