Chinram, Surbung Airport kongah Dr. Sa Sa bia hle hla; Uar um tak tak

Dr. Sa Sa nih mah bantuk in Chinram caah rian a ttuan mi lungput kan zoh ah cun, chinram caah Pathian nih Dr. Sa Sa hi a kan pek mi a si ti fiangtein thei khawh a si. Chinram hi kawlram chungah sifak bik state kan si caah Dr. Sa Sa zong nih Chinram caah a tuah khawh mi poah tuah ding in tim tuahnak a ngei mi hi si. Mah bantuk mithiam kan ngei mi nih, Chinram a daw i, fakpi in rian ttuan a tim mi kong hi chim lo in um khoh a si lo.

Chinram nih Airport kan ngei hmasak bik mi surbung Airport kongah Dr. Sa Sa nih mah ti hin a chim. Ni 25 ah a voikhatnak ding caah Surbung airport cu fly check tuah a si. Mah bantuk in hmang khawh ding in fly Check tuah a si mi cu Chin mipi dihlak caah thawngtha a si

Dr. Sa Sa nih cun ” Lawmhpihnak ngantuk mi  Chin state,” Surbung Airport, a daw tuk mi le Chin State caah a hmasak bik mi airport. Mah hi a hramthawknak lawng a si” tiah Dr. Sa Sa nih a chim. Dr. Sa Sa nih mah hi a hramthawknak lawng a si tiah a chim duh mi hi cu fiangtein kan thei cang lai. Tu lenlaipi ah Dr. Sa Sa nih vanlawng Ground a tuah lio mi a dih hnuah hmun dangah vanlawng Ground tuah a tim ning fiangtein a rak chim cang

Dr. Sa sa nih Ti lawng lam ser a timnak kong a chim mi hi vun rel chap..Dr. Sa Sa nih a chim ningtein ka vun ttial lai. “Tisi River Transport Project (TRTP) tlam a tling khawhnak ding cah mipi sin ah thlacam bawmhnak ka vun hal mi kha a rau lo. Chin State Government Cabinet Minister Pu. Soe Htet le MP Hawi Tin le Chin State, District, Township level Officials hna cu Lialaipi an rak phan.

Mah caan tha tuk mi hi Bawipa kan Pathian nih a kan pek mi a si i, Pathian nih a vun thla mi an si. Mr. Terry, US Civil Engineer, Lialaipi Airport Project Construction Manager nih Minister le MP official sin ah Tisi River Transport Project kong hi a chim hna. Tha an ti ngai mi a si, tu cu Proposal thatein cozah sin ah ap ding in lam a um cang, MP Hwai Tin hi Paletwa area in MP caah thim mi a si.

Tisi River Transport Project hi Samee-Paletwa area le Lialaipi, Matu area karlakah Tisi Tiva cung ah lawng a kal khawhnak ding caah lam ser piak a si lai. Pu. Terry, kan engineer nih fakpi in rian a ttuan i, Tisi tiva lei ah zong a kal i, thatein a zoh cang mi a si.

Tu hi Tisi tiva cu survey tuah ding in tim ciatein a um cang. Pu. Terry nih survey a tuah hnuah thil sining vialte cu Cozah sin ah theiter a si lai. Mah bantuk in kan thlacamnak Pathian nih thluachuah a kan pek caah mah Tisi Tiva a tlamtling khawhnak ding caah fakpi in thlacam peng hna u sih. Credit- Dr. Sa Sa

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Chinram, Surbung Airport kongah Dr. Sa Sa bia hle hla; Uar um tak tak"

Leave a comment

Your email address will not be published.


*