CNLD hruaitu pawl thil tuah ning cu zum ning bantuk a si ti lo ee!! A poi tuk hrinhrang ko

Thantlang Peng CNLD pawl an chung muru raldohnak cu phozar lawlaw a si cang. May thla ahkhan “Voice of MiePi (VOM)” ah Thantlang CNLD nih Salai Ceu Bik Thawng hmun an kianh duhlohnak kong hi an rak “leak” ter. US Inrang/White House zong ahhin thawng an “leak” ter lengmang ttheu. A ruang cu khuakhanmi kha a duhlotu nih thlen/change” an duh caah zuhter/leak hi hriamnam ah an hman tawn.

Salai Ceu B. Thawng nih hmun a halmi hna hi “Chin State Hluttaw No.1” hi a si. No.1 cu a lawng ti lo tiah February thla dih ahkhan an leh. Pyithu Hluttaw a lawng, a duh ve lo. Amyotha Hluttaw lehlam cu NLD in Pu Henry Van Thio aa peknak hmun a si caah an ngamh lo.

Cutin, VOM ah CNLD thawng an leak/zuhter hnu ah Mizapi lei in Salai Ceu B.Thawng an duhnak an von phuan cio. Biatak tein Thantlang CNLD EC pawl cu an von nam chih cio hna. Mipi lei aw-an tal in an dirhmun an thleng hnga maw tiah thawng a leak hnu ah ruahchanhnak a um. Cartoon tiang an phawmh hna. Salai Ceu B. Thawng zong nih an reject hnu ah a voi 2nk sohhlua cu a von chiah tthan ve. Asinain an dirhmun ithleng an itimh ve lo.

Pyithu Hluttaw a lawng, a Amyotha Hluttaw a lawng titu in an phuan/au hnawh ve. Cucaah, Salai Ceu B.Thawng nih aa tuar ti lo i: Party Central (CEC) nih phung an sermi ning in candidate sok caan cu “Jan 20 -June 27” a si ko caah, a caan chung te a si rih i application zong voi 2 ka chiah cang i, a thabik in an ka ceih piak ko lai tiah nemte in a von phawmh hna.

Cutin, Salai Ceu B. Thawng nih a von tial cangka tein, Thantlang CNLD Secretary (fb min Tial Awi pa) nih a von leh colh. “CEC nih a tu an kawh tthan mi Candidate soknak cu sok tu um lo nak hmun hma caah a si. EC nih Biachahnak tuah cia mi le fehter cia mi hmun hma caah a si lo. A tu Salai Ceu Bik Thawng nih Pyine No.1 Candidate a van sok tthan mi hi Thantlangpeng CNLD EC Biachah mi zei a rel lo le Pu Lal Mawng Cung Pumpak nehsawh ruang ah a si. A duh ahcun kan chiahpiakmi A Myota le Pyituh Hluttaw Candidate a sok ding a si ko.” tiah Atom Bomb in a von phawmh lawlaw. An chungril tiang pawt dihlak in an phozar.

Big Question cu:-
– Zeiruang ahdah Salai Ceu B. Thawng nihhin Chin State Hluttaw No.1 thengte in a ngiar peng. Daite in Pyithu Hluttaw ahhin aa cuh ko lo? Pyithu Hluttaw ahhin ipe sehlaw a tling thiam ding a fiang ko ttung? Ziah, Pu Lal Maung Cung nih aa hammi No.1 thengmang hi a ngiar peng ve? Thantlang CNLD EC pawl ningcang loin khuakhanning hi expose/langhter a duh ve hrimhrim caah maw a si hnga? tbk tiang hi Big Question ngai a si. Tulio Thantlang CNLD ihruaining system hi reform an tuah te lai maw? Hlan bantuk in maw an kal ko lai? by- Zasang Chinzah

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "CNLD hruaitu pawl thil tuah ning cu zum ning bantuk a si ti lo ee!! A poi tuk hrinhrang ko"

Leave a comment

Your email address will not be published.


*