Coronavirus an ngei lo tiah a fiang hnuah Vice President nupi (Second lady of Myanmar) Anna Sui Hluan bia chim mi cu a tha tak tak

Pathian le miphun caah rian ttuantu lungput cu mah bantuk hi a si ding a si. Second Lady of Myanmar Anna Sui Hluan nih a chim mi cu. “Kan zain minung 32 cu kan inn chungkhar in Coronavirus test cu zahan ah kan tuah dih, kan dihlak in coronavirus kan ngei lo. Mah thawngpang nih hin mipi lung a daiter cang lai ti ka zum. ( Saya David Lah hi Feb 9 ah MICC2 Naypyidaw ah kan tawn, Myanmar ramah apakhatnak coronavirus an hmuh mi hi March 23 ah a si.

Saya David Lah he kan in tawnnak cu thlahnih a liam cang natein mipi nih kan cungah lungretheinak le zumhlonak tampi an ngei caah, Coronavirus kan ngei maw ngei lo test kan tuah zawng ah kan ngei lai lo ti thei bu in mipi nih kan chungkhar cungah lungdaitein an um khawhnak ding caah Coronavirus test kan tuah mi a si” tiin a chim- Anna Sui Hluan

Vice President nih fiangternak atuah cang mi…..Vice President (2) Henry Van Thio nih fiangternak a tuah cang, a fiang ngai cang. Myanmar ram Vice President Pu. Henry Van Thio nih Coronavirus a ngei timi cu amah nih fiangtein a chim cang ko, Say Davidla he ton ni 9.2.20 in a si.

Kawlram zaw nak an hmuh mi hi 23.3.20 a si. An hmuh hlan ni 40 rak i tonnak a si. Nan kan dawt, thla nan kan cam piak mi Bawipa nih a thei ko, kan i lawm tuk.  Ni him ni tiang kan nun kan dir khawhnak hi daw tu vialte nan thlacam nak le a thei tu BAwipa thawngin a si ko e. GOD BLESS YOU ALL

Myanmar ram chungah coronavirus a kar thluamah cang i, nikhat ah minung hi test 100 hrawng an tuah caah zawtnak an hmuh mi hi a tlawm, natein tu ni thawk in nikhat ah minung 200 hrawng cu test tuah khawh ding in lam an kawl lio a si. Myanmar ram ah coronavirus zawtnak a ngei mi hna hi minung 73+ an phan cang i, mi 4 an thi cang. MYanmar ram hi ramdang bantuk in ni khat ah minung 1000 leng test tuah seh law mah zawtnak angei mi tampi an um lai tiah zum a si