Coronavirus kongah USA mipi caah thawngtha bak si cang; China saduhthanak a tling kho ti lo

Coronavirus sii kongah China nih a ser hmasa bik si a tim, mah sii a sermi nih cung vawlei cung ramkip ah kuat i, tu a min chiatnak cu thup a tim, natein tu tiang zeihman thawngpang a ngei ve lo. Coronavirus zohkhennak caah tu lio ah a tha bik an ti mi cu USA nih hmang ding in tim tuahnak a ngei cang

“Coronavirus Thlopnak, Remdesivir Sii.. Biopharmaceutical company, Gilead nih Coronaviurs thopnak caah an serchuahmi, remdesivir sii cu nizan ah US cozah he phawtzamhnak kongah hnatlaknak an tuah cang.

Gilead company nih direct in Department of Health and Human Services (HHS), sin ah a kuat hmasa lai. HHS nih state cozah sin ah a kuat ve lai. September thla chungah remdesivir cu state cozah sin ah kuat dih ding in Gilead company nih timthuahnak an ngei.  State cozah nih sizung le a herhnak hmun poah ah a caan ning tein an phawtzamh dih lai.

Gilead CEO Dan O’Day nih a herhnak hmun le a caan teah phawtzamh khawh dih kan I zuam lai tiah AP news ah a chim. Gilead company ngeitu hna nih an chimnak ah cozah insurance a tlaihmi hna nih minung pakhat thlopnak ah US$ $2,340 a dih lai.

Private insurance a tlaihmi hna caah minung pakhat tlopnak caah US$ 3,120 tluk an dih lai tiah an chim. Mah sii hi US ca lawng si loin vawlei pumpi tiang in kuat an timhmi a si”. Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor