Coronavirus ruangah Myanmar’s Siibawi rian ttuantu an tonh bantuk in New York Sibawi nih an tawn thluamah ve cang

A poi tak tak, Sibawi, damlo zohkhentu cungah mah bantuk in thil tuah cu!!! mah thawngpang vun theih bak ah cun coronavirus ruangah vawlei kan buai ning le muinak khur ah a kan lut pi ning zoh ah cun ngaihchiat tak tak a si. Dr. Richard Levitan, 58, intubation specialist, New Hampshire ah a um mi a si. Amah hi Manhattan’s Bellevue Hospital ah siibawi rianttuan lio mi a si

New York Governor Andrew Cuomo nih C-19 ruangah an State cu an buaituk cang caah US State dang ah sibawi pawl hna cu New York sibawi hna bawmh ding in a sawm hna. Mah sawmnak hi Dr. Richard Levitan nih a cohlan i, New York ah ni 10 chung damlo zohkhen ding in a va kal ve

New York ah a unau pa pakhat Dan cu a um, Dan hi Manhattan apartment ah a um. Amah umnak ah umnak ah Dr. Richard cu um ding in a ti. Cun Dan nih a unaupa Dr. Richard cu  tawhfung cu a pek i a kal tak. Saturday le Sunday ah zeihman buainak um lo in siizung in inn lei thatein a lawi k0. Natein nikhat ni (Monday) a vun si i, a rian ttuannak siizung in Mahanttan Apartment lei ah lawi a tim cu, Manhattan apartment ah ummi pawl nih cun Apartment ah COVID-19 zohkhentu Dr. Richard um cu an siang ti lo. Apartment um mi pawl nih Dr. Richard cu rah ti hla tiin an “KICK OUT”. Dr. Richard nih Building superintendent cu a chawn i, Superintendent nih cun mah bantuk dirhmun a si cang caah, mah zawtnak hi inn lei ah na rak pu sual lai ti an ttih caah a si tiin a chim.

‘You’re telling me I’m not welcome to stay in this apartment?’ Levitan asked the superintendent. ‘I’m afraid, doctor, that is not my decision, unfortunately, but that is the situation, unfortunately,’ the superintendent said in response. ‘Why is that?’ ‘I guess they’re afraid of you bringing this virus with you,’ the superintendent said.

Dr. Richard nih a thil vialte cu a lak i inn dangah um ding in Mahanttan Apartment cu a chuahtak