Coronavirus ruangah USA ah a zawtmi le a thimi an tamnak ruang bik cu Trump a palh tuk ruangah; A palhnak Pali-BBC

USA cu khuaci a mui tuk caah an President Trump longte soisel le thanchiat a si cang. Trump nih fakpi in January thawk in rian a rak ttuan cang, natein January ah Democrat pawl nih Trump cu zeitindah impeach kan tuah khawh lai ti longte ah an buai pi, Trump zong nih a duh ning bantuk in rian a rak ttuan kho ti lo. Mah coronavirus kong hi January ah Trump nih China khualtlawn pawl hna cu USA ramchung lut lo in a rak kham cang hna, natein fakpi in soisel a si.

BBC nih Trump a pal mi a chim mi hna a si. Pakhatnak: Medical suplly- Professor Levi nih “Singapore le South Korea bantuk in test kha a rangnak in rak tuah cang hna u si law, thatein, atu dirhmun hi kan phan lai lo” tiin a chim. Test kan tuah hartuk caah, sibawi pawl caah zeitikah a dang a ra than lai ti ralrin tein um a hartuk cang’ tiin a chim. Professor Levi nih Trump a ralrin lo tuk caah tiin Trump cu fakpi in a soisel

Pahnihnak: Medical Supply- PPE, Ventilators le siizung hna cu ralrinnak zeihman um lo in, an um sawh sawh ko. Atu cu kan buai tuk cang, i E-Bay ah thil i cawksiak le buai tuk in State 50 nih caan kan hmang cang. ttin State governor pakhat nih achim

Pathumnak: Nawlngai lo- Mah bantuk in thawngpang a si buin mipi nawl an ngai lo tuk caah si. Mi tampi cu Biak inn ah an i pum thluamah ko i, Cun mi tampi cu Party ngawl lo in party ah an kal peng. Cun a cheu cu Beach, Cinema ti pawl hna kan uar tuk caah mah bantuk dirhmun hi kan phan mi si.

Palinak: President Donald Trump- Coronavirus ruangah USA ram chungah a thimi an um hnu zongah “April thla lai hrawng ah cun thil zeipoh a ttha cang lai a ti, a hlan bantuk han a si than lai tiah a ti peng i, mah zawtnak ttih nung nih hi fiangtein a theih lo caah a si, Mah zawtnak khamhnak ding caah caan tampi angei ko, natei zeihman ah arel lo tuk caah a si. Ref- BBC NEWS

Be the first to comment on "Coronavirus ruangah USA ah a zawtmi le a thimi an tamnak ruang bik cu Trump a palh tuk ruangah; A palhnak Pali-BBC"

Leave a comment

Your email address will not be published.


*