Coronavirus ruangah USA nih a tuar ning cu President Trump zong nih ttihnung tuk cang tiin a chim ve cang

Coronavirus ruangah USA dirhmun cu a chia tak tak cang. President Trump zong nih fiangtein a chim cang ko, Mah bantuk dirhmun kan phan lai ti cu ka zum kho hrim lo. Ttihnung tuk cang tiin a chim. Tu USA a thimi zat hi minung  70,000+ an si cang. American History ah kan caan chia bik a si. Pearl Harbor le 9/11 (mah hi Osama Bin Laden nih vanlawng pahnih hmangin Washington a tuknak/ World Trade Center kong a si) nak in ttih nung deuh cang tiin a chim

The White House a press briefing ah “1941 a Japan pawl nih Pearl Harbor naval base an vun kah lio ah kha, an mah ruangah World War II ah US zong kan lut ve mi a si i, atu zong coronavirus raungah a thimi zat hi September 9 terrorist attacks, New York, World Trade Center  nak in an tam deuh cang word Trade Center ruangah kum 10 leng Afghanistan ah anti-terrorism operations kan tuk cang hna tiin atu an dirhmun le pehtlaih in thil sining a chim

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Coronavirus ruangah USA nih a tuar ning cu President Trump zong nih ttihnung tuk cang tiin a chim ve cang"

Leave a comment

Your email address will not be published.


*