Covid-19 ruangah Trump a mual pho. Barack Obama a holh ve cang. Abia chim cu a fak tak tak

American Politics cu COVID-19 ruangah a buai tak tak cang. A hnubik Polls ah Joe Biden nih President Trump a tei ngai. Natein mah hi cu zum ding si lo, Trump le Hillary ah khan Hillary nih a tei cik cek. Natein Electoral vote ah Trump nih a tei cik cek ve ko i President a si ko. Democrats le Republican nih USA cu economy ah a ttum tuk lai ti an phan caah fakpi in rian ttuan an nih tim. Natein Democrat hi an sual tuk caah rian thatein an ttuan ti kho tak tak lai maw ti hi mipi nih an zoh lio mi a si.

Covid-19 ruangah vawleicung cu khuaici muinak ah a lut cang, USA hi a tuar bik ram a si.  A damlo mi a tambiknak le a thimi tambiknak ram pakhat a si cang. President Trump nih USA economy a chia tuk sual lai ti a phan caah Easter Sunday hnuah thatein chawlehnak cu kalpi a tim, natein a tlam a tling kho ti lai lo atu dirhmun zoh ah cun.

The Commander-in-chief nih Fox News’ Justice le Judge Jeanine he tonhnak a ngeihnak ah chawlehnak kalpi than ning cu ka chia le tha thleidannak in ka kal pi cang lai cu tiin a leh cang hna. Donald Trump nih nifatin in The White House COVID-19 briefing a ngei tawn mi cu nuam a ti ngai, suimilam 1 leng a hmang tawn. Donald Trump rian ttuan ti hawi tha Sen Lindsay Graham pawl hna zong fakpi in a phomh cang hna i, Covid-19 cu, COVID-19 tasks Force Dr Fauci maw Vice President Mike Pence kut ah zei poah hi chia cang ko an ti  natein Trump nih a duh hrim hrim lo

America President  nih  COVID-19 a ngei ve sual lai ti an phan. Natein Press briefing cu Donald Trump caah campaign pakhat ah an ruat cang, natein Easter Sunday ah a vawikhatnak ding caah Trump cu COVID-19 Briefing ah a tel ti lo.  COVID-19 in USA minung 530,000 leng zawt in an um lio ah Press Briefing Room , the White House ah President a lang lo zawng ah a hlan bantu in zei paoh a si lai an ti

American experts le Dr. Anthony Fauci, the head of the National Institute of Allergy and Infectious Diseases nih cun MSNBC host Brian Williams sin ah “America cu a tu bantuk in COVID-19 hi kan tuar a si ah cun November  tiang harnak kan tonh lai tiin a chim

TUESDAY ah COVID-19 zawtnak in fakpi in a tuar ve mi Wisconsin ah presidential primaries & State Supreme Court seat election a um lai. Mipi nih vote an thlak lai. America nih nawl an ngai tung lo, Social distancing cu zei hman ah an rel lo. Social distancing nawl an ngai lo tuk caah atu dirhmun hi an phan mi a si. Barack Obama a um sawh sawh kho ti lo. Aho hman hi hramhram in mipi hna cu vote thlak ding in kan ti khawh lo, vote thlak cu an mah nawl a si.

Him tein inn ah um an duh ah cun mail hmangin vote thlak ding a si ko. Vote hi mail hmangin chiar ding a si ko. Mah bantuk zawtnak ttih nung tuk mi ruangah mipi hna lengah chuah ah vote thlak in hramhram in ti ding an si lo. Mah bantuk caan lio ah Democracy a si ning hi kan mah duh duh in midang umding in kan ti ding a si lo a ti. Mail hmang ah vote thlak hi President Trump nih a duh lo ngai mi le a huat ngai mi pakhat a si caah  Obama nih mah bantuk in a chim mi hi a si

Be the first to comment on "Covid-19 ruangah Trump a mual pho. Barack Obama a holh ve cang. Abia chim cu a fak tak tak"

Leave a comment

Your email address will not be published.


*