Covid in adam hnuah a voihkhat campaign nak ah khuaruahhar tuk mi a tlung; Democrat pawl an lau

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

US Presidential Campaign cu a linsa  bak ko cang. Election nak ding caah Ni 20 hrawng lawng a um cang. Mi tampi nih President Trump cu Joe Biden nih a tei lai tiah an chim i, Mainstream Media tampi nih Trump cu sungh cia bantuk in an chia

Natein Covid-19 in a dam hnuah, a voikhatnak ding caah Orlando, Florida ah campaign a tuah. Camaign a tuahnak ah mi an tam tuk i, Democrat pawl an lau bak ko.

Polls tampi ah Biden nih Trump tei bantuk in an langter lio ah, Biden Campaign nak ah mi an tlawm ngai i, Trump Campaign nak ah mi an tam ngai mi nih US mipi mak ti a si cang

Trump nih campaign a tuahnak ah capo sai bantuk in Covid-19 a ngei ning a chim. Supporter pawl mih face mask an phawt. Trump nih a chim mi cu, They Say I’m Immune, I’ll kiss everyone in that audience, i’ll kiss the guys and the beatutiful women, tiin hram thawknak ding caah bia a chim.

Walter Medical Center and John Hopkins medical team pawl a thangthat ngai hna. amah an zohkhennak sii cu mipi zong nih an hmuh khawhnak ding caah lam a kawlnak kong a chim. Mah lvirus ruangah a thimi dilak a tuar pi ning kong a chim.

Joe Biden ceilak in a phomh. Kei cu basement ah ka thup ve lo, Nang hmai bak ah ka vun dir. atu cu ka dam cang. Si kho seh law, lawmhnak ding caah pakhat pakhat in kiss kan duh hna. Keimah home state ah campaign ka vun tuah tthan khawh.

Mah bantuk in keimah home State ah campaign ka vun tuah tthan khawh mi hi ka vangtha ngai. Nan ka supportnak ruangah le thlacamnak fakpi in nan ka bawmh caa mah bantuk dirhmun a phan khawh mi hi ka si. Hospital ah ka um lio ah an ka zoh khen ning bantuk in hospital dihlak ah tuah ve ding in rian ka ttuan lio

Biden hi President a cuh mi a si, natein a bia chimnak ah President si lo in Senate a cu bantuk in a chim pa.  Biden nih zeihman a thei ti lo, Mitt Romney’s ming a philh.

A umnak State min tiang a philh. Keimah nih mah bantuk in midang min le ka umnak state min hi philh ning law, zeitin ka cungah bia an chim lai? tiah ceilak in Mainstream media pawl le Democrat pawl hna aphom hna. Credit-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chinpage Editor

Be the first to comment on "Covid in adam hnuah a voihkhat campaign nak ah khuaruahhar tuk mi a tlung; Democrat pawl an lau"

Leave a comment

Your email address will not be published.


*