Dallas Baptist Pastor Robert nih Joe Biden a phomh mi nih US a hninh bak ko; Khrifa nih cun vote ngam si hrim lo

Obama ruangah Khrifa hruaitu hna um sawh sawh an nih tim ti lo. Obama President si lio ah an lungfak ning kha an philh khoh bak ti lo. Mah bantuk dirhmun ah US, zumtu ram a si mi kha cangter tthan an duh ti lo caah Trump cu fakpi in an vun dirpi cang

Joe Biden hi Obama lio ah Vice President a rak si caah, zumtu/khrifa caah zeihman a ttuan duh lo caah le a zumnak kongah mi tampi nih an cohlan ti lo caah khrifa pastor hna nih ceilak in an phomh thluamah cang

Fox & Friend ah Peter Hegseth le Dallas Pastor Jeffrees cu i tonnak an ngei. Peter nih Jonhson cu President Trump nih a ngai thiamnak kong a hal mi cu mah bantuk in Pastor Jeffrees nih a leh. Trump nih mah bantuk in Jonson a ngai thiam mi kha a sunglawi tak tak,

Trump hi law and order ah ngawlngeitu lawng si lo in, mi dawtnak le zaangfahnak a ngei tuk mi minung a si tiah a chim

Pastor Jeffrees nih a chim mi cu, a her a cun Trump bantuk in a thawngmi/hahter mi an um lo,thil umtuning bantuk in rian a ttuan khawh mi minung a si. A her a cun Trump bantuk in a tawider mi le mi cungah zaangfah angei mi an um lai lo, mah bantuk minung cu a si tiah a chim

Christians, Jews, Sikhs, Muslims hruaitu minung 350 hrawng nih Joe Biden cu US ziaza thlengtu ding a caah kan duh tiah an dirpi nak kong an chim kongah Jeffrees nih a chim mi cu,  Joe Biden thim i, ziaza i thlengnak a chuahpi lai ti cu, Bank lei ah zeihman a thei lo mi nih bank himnak zohkhen i tim bantuk a si tiah a chim

A hman mi thil cu  Joe Biden cu leiba a cham kho lomi (bankrupt) a si, amah lawng si lo in a rian ttuan ti hawi Democrat pawl zong an si tiah a chim. Catholic zumnak angei mi asi, natein a zumnak bantuk in catholic nih nauhaw an duh tung lo. Mah bantuk in Catholic nih nauhraw an duh lo lio ah amah nih nau hrawh a duh mi hi zeitindah a si khawh tiin a chim chap

A hman mi cu Bible hi a si, Pathian le catholic nih cun ziaza thatnak kha chuahpi an nih tim, natein Joe Biden nih cun mah bantuk cawnpiaknak cu a cohlan lo. Curungah amah hi lunghmul hling (fuzzy) bantuk a si tiah a chim chap

Democrat pawl hna cu Pathian angei lo mi buu an si. Khawmpi an tuah lio ah fiangtein an langter ko kha tiah Jeffrees nih a chim chap. Pathian zong hi Pathian ah an rel ti lo. Cozah tu hi an pathian bantuk in an ruah cang. Credit-Christianheadline

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Dallas Baptist Pastor Robert nih Joe Biden a phomh mi nih US a hninh bak ko; Khrifa nih cun vote ngam si hrim lo"

Leave a comment

Your email address will not be published.


*