David Lai nih Paletwa ralzaam a bawmhnak kong he petlaihin mi tampi an thinhun tuk cang

David Lai nih mah bantuk in mah le inn ah um ngam lo in, kawl ralkap le AA pawl ruangah ralzam dirhmun a phan mi kan unau Paletwa ralzam pawl hna ca ah Yangoon ah hlasak piak in kut a dawh piak hna. Mah tangka a chuak mi vialte hi a di lak in ting 50 leng a si. Ma bawmhnak vialte hi amah David Lai nih an umnak ah va kal in a va pek hna

Thilsining zeihpaoh a fiang ko caah cozah lei zong nih theithiam ding a si ko, mah bantuk in David report a tuah tu hi mi tha a si lai lo caah mipi tampi nih theih an duh ngai mi a si, David nih mipi rah u tiah a sawm mi an si lo, David nih a sawmmi an si lo buin David Lai cungah mah bantuk in lungput ngei in report a tuahtu hi thei a si ah cun fakpi in chim hrim ding a si tiah an ti cang.

Atangah thil sining cu fiangtein rel khawh a si. ….Hlasakthiam David Lai nih Paletwa ah tangka bawmhnak a pek pah in motor cung in hla a sakpiak hna i mitampi nih an buut ca ah tazacuai timh mi kong Chin Ramkulh Cozah nih a ceihmai nain a fiang kho rih lo, tiah April 13 ah kan theih.

Hi kong ah Chin Ramkulh Cozah Chimphuannak Nawlngeitu Sipin le Electric Minister Pu Soe Htet nih, “Sami ah aa dor mi ralzaam bawmhnak a pek hna. A phanh lio a si ca ah ralzaam pawl thinlung a nuam deuh nakhnga tiin a motor cung in hla a sakpiak hna. A aw an theih i an va buut mi tu khi a si. Amah kan chawnh zong ah cuticun a kan leh ko. Reportnak ca a phanh tik ah Chin Ramkulh Cozah nih kan ceih lio i a fiang kho rih lo. Hihi amah nih a pumhkhawmh hna i stag-show a tuahpiak mi hna a si lo.

Ralzaam zawnruahnak he Yangon in a rak ra i bawmhnak a pek hna pin ah an thinlung dam nakding ah tiin hla a sakpiak mi hna tu khi a si,” tiah  a chim. Hi kong ah amah hlasakthiam David Lai zong phone kan chawnh nain kan pehtlai kho lo. Paletwa khua pawng hrawng ah nihin tiang Cozah ralkap le AA hriamtlai kahdohnak a um peng i Paletwa ralzaam hi 2018 November thla in April thla canceo tiang ah minung 5000 leng an si cang. Hi hartong hna ca ah Cozah le CSOs hna nih bawmhnak an pek cio hna. Cheukhat hmun ahcun bawmhnak pek ngam a si rih lo, tiah kan theih.