Daw Suu Kyi ceilak in a soiseltu Phungki U Wirathu cu Palik nih an tlaih cang lai; Palik nih an chim mi

Kan pi Daw Aung Sang Suu Kyi cu fakpi in a soisel i a thangchiat tawn mi, Nikum ah thawngpang lar ngai mi, hmun dang dang ah a thup i tu tiang an tlaih khoh lo mi kong kha atu cu athar in thawngpang thei ding a um tthan cang

The Patriotic Association Of Myanmar ( Ma Ba Tha ) Sayadaw U Win Khaing Oo (U Wirathu) cu Yangon Northern District, Justice office Assistance, Chief Justice U Kyaw Kyaw nih warrant (Tlaihkhawhnak nawl) a tuah cang i, U Wirathu cu a rau hlan ah tlaih a si cang lai tiah Myanmar Police sin in thawngthei a si.

Mah Sayadaw U Wirathu hi tlaih i bia ceipiak a si lai; CVP U San Min ta Criminal law 124 ( a ) ah a tial ning ah cun (Myanmar lose respect) tiin report a ttial; NyaPyiTaw, Police Warrant Officer pakhat zong nih , ”bia ceipiak ding si ko” tiin Irrawaddy Media sin ah a chim

Mah tlaihkhawhnak nawl (Warrant) fehternak atuah tu ding hna cu Mandalay Region, Mahar Aung Me Township hna an si. Tlaihkhawhnak nawl (Warrant) fiangtein tuah a si hnuah tlaih a si cawlh lai. Township Officer nih mah kongah fakpi in rian a ttuan lai” tiin Police warrant Officer nih a chim.

Myanmar’s State Cousellor Daw Aung San Suu Kyi cu fakpi in soisel le thangchiat bantuk in a holh caah tlaih i a kong hi cei a si lai tiah  The Ministry of Religious Affairs And Culture nih a chim. Credit- Thengephesizopost (Source- The Irrawaddy – Burmese Addition)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Daw Suu Kyi ceilak in a soiseltu Phungki U Wirathu cu Palik nih an tlaih cang lai; Palik nih an chim mi"

Leave a comment

Your email address will not be published.